💘 അരികത്തായാരോ – 7 💘 വിച്ചു [ ചെകുത്താനെ സ്നേഹിച്ച മാലാഖ ] 1836

” അഹാനെ …. അഹാനെ …. എന്താ ?
എന്താ പറ്റിയേ ….. ? ”

അവൻ പല തവണ തട്ടി വിളിച്ചിട്ടും അവളിൽ ഒരനക്കവുമില്ല . അവന്റെ ഉള്ളിലും ഭയം നിറഞ്ഞു നെഞ്ചിൽ കൂടി ഒരു മിന്നൽ പിളർ കടന്ന് പോയതു പോലെ …. അവൻ വേഗം അവളെ തന്റെ രണ്ട് കയ്യിലുമായി കോരിയെടുത്ത ശേഷം മുന്നോട്ടോടി ….

” ടാ ….. യദൂ …… ”

അജു സങ്കടം കൊണ്ട് ഉറക്കെ അലറി വിളിച്ചത് കേട്ടാണ് യദുവും ദേവും തിരിഞ്ഞ് നോക്കിയത് .

തിരിഞ്ഞ് നോക്കിയ അവർ കാണുന്നത് ബോധമറ്റ അഹാനയെയും കയ്യിൽ കോരിയെടുത്ത് മുന്നോട്ടോടുന്ന അജുവിനെയാണ് . ആ കാഴ്ച കണ്ട് ദേവു ഒന്ന് നടുങ്ങി . വാങ്ങിയ ഐസ്ക്രീമും വലിച്ചെറിഞ്ഞ് അവരും വേഗം കാറിനടുത്തേയ്ക്ക് ഓടി .

അജു വേഗം കാറിന്റെ ഡോറ് തുറന്ന് അവളെ പുറകിൽ കിടത്തി ദേവുവും ഒപ്പം കയറി . മുന്നിൽ യദുവും കയറി അജു വേഗം കാറ് സ്റ്റാർട്ട് ചെയ്ത് വേഗത്തിൽ മുന്നോട്ടെടുത്തു … ഒത്തിരി തവണ തട്ടി വിളിച്ചിട്ടും അഹാനയുടെ ബോധം വരുന്നില്ല എന്ന് കണ്ടതും ദേവുവും നിലവിളിച്ച് കരയാൻ തുടങ്ങി ….

കണ്ണിൽ കൂടി ഒഴികിയിറങ്ങിയ കണ്ണുനീർ തുള്ളികൾ തുടയ്ച്ച് മാറ്റി അജു കാലു കൊണ്ട് ആക്സിലേറ്റർ ചവിട്ടി ഞെരിച്ചു . കാറ് അമിത വേഗത്തിൽ റോഡിലൂടെ കുതിച്ച് പാഞ്ഞു . ഹെഡ്ലൈറ്റ് തെളിച്ച് ഹോൺ മുഴക്കി പോയതിനാൽ മുന്നിലെ വണ്ടികൾ വേഗം വഴി മാറികൊടുത്തു .