💘 അരികത്തായാരോ – 7 💘 വിച്ചു [ ചെകുത്താനെ സ്നേഹിച്ച മാലാഖ ] 1836

അജു ഒരു പുഞ്ചിരിയോടെ പറഞ്ഞ ശേഷം മുന്നിലേയ്ക്ക് നോക്കിയിരുന്നു ….
യദു തന്നെ എല്ലാവർക്കും വേണ്ട ഫുഡൊക്കെ ഓർഡർ ചെയ്തു …. അഞ്ച് മിനിട്ടിനകം അവരുടെ ടേബിളിന് പുറത്ത് അഹാരസാധനങ്ങൾ നിരന്നു …

അജു അൽപ്പം ആഹാരം കഴിച്ചെന്ന് വരുത്തി വേഗം എണീറ്റ് കൈ കഴുകി ….

” ടാ ഞാൻ പുറത്തുണ്ടാകും …. ”

യദുവിനോട് പറഞ്ഞ ശേഷം അജു പുറത്തിറങ്ങി ബീച്ചിനടുത്തേയ്ക്ക് നടന്നു ….

” അജുവിനെന്താ ഒരു മൂഡോഫ് പോലെ .
ഞാൻ ട്രീറ്റിന്റെ കാര്യം പറഞ്ഞ് വിളിച്ചത് കൊണ്ടാണോ ? , അതോ എന്നോടുള്ള ദേഷ്യം കൊണ്ടോ ? ”

അഹാരം കഴിക്കുന്നതിനിടയിൽ അഹാന യദുവിനോട് കാര്യം തിരക്കി ……

” ഹമ് …. രാവിലെ അവൻ പറഞ്ഞതാ പക്ഷെ തന്റെ ബർത്ത്ഡേ ചിലവിന്റെ ഇടയിൽ ഞാനത് മറന്നു . അവൻ ഇന്നൊന്നും കഴിക്കില്ല , രാവിലെയും ഒന്നും കഴിക്കാതെയാ വീട്ടിൽ നിന്ന് അവൻ ഇറങ്ങിയതും ….. ഇന്നത്തെ ദിവസം അവനൊരിക്കലും മറക്കില്ല , അവനെ അവന്റെ അമ്മ ഓർഫനേജിൽ ഉപേക്ഷിച്ച ദിവസം … അവനൊരു അനാഥനായ ദിവസം … തന്റെ ബർത്ത്ഡേയായിട്ട് താൻ നേരിട്ട് വിളിച്ചത് കൊണ്ട് മാത്രാമാ അവനിന്ന് ഇവിടെ വന്നതും അൽപ്പമെങ്കിലും കഴിച്ചെന്ന് വരുത്തി എണീറ്റ് പോയതും …. ”

യദു അവരോട് രണ്ടുപേരോടുമായി പറഞ്ഞു … അത് കേട്ടതും അഹാനയുടെയും ദേവികയുടെയും മുഖം മങ്ങി …. അവരും വേഗം ആഹാരം കഴിച്ചെണീറ്റു …..