💘 അരികത്തായാരോ – 7 💘 വിച്ചു [ ചെകുത്താനെ സ്നേഹിച്ച മാലാഖ ] 1836

” എത്ര നന്നായിട്ടാ അവനീ ചിത്രം വരച്ചത് അതും ഇത്ര ഒർജിനാലിറ്റിയിൽ …. ഒറ്റനോട്ടത്തിൽ ഇത് വെറുമൊരു ചിത്രമാണോ എന്ന് പോലും ആരും സംശയിച്ച് പോകും …. ഒരിക്കൽ പോലും നേരിൽ കാണാത്ത നിന്റെ അമ്മയേയും നിന്നേയും ചേർത്ത് വച്ച് വരച്ചില്ലേ അവൻ , ഇതാണ് കഴിവ് … നിനക്ക് സ്വപ്നത്തിൽ പോലും കാണാൻ കഴിയാത്ത ദൃശ്യമാ എന്നും നിനക്ക് നേരിൽ കാണാൻ കഴിയുന്ന രീതിയിൽ അവൻ നിനക്ക് വേണ്ടി സമ്മാനിച്ചത് .

ഒന്ന് മാത്രം എത്ര ചിന്തിച്ചിട്ടും എനിക്ക് മനസ്സിലാകുന്നില്ല . ഒരിക്കൽ പോലും നിന്റെ പുഞ്ചിരിക്കുന്ന മുഖം , ആ പഴയ അഹാനയെ കണാത്ത അവൻ എങ്ങനെയാ നിന്റെ ഈ മുഖം അന്ന് ഡ്രോയിംഗ് ബുക്കിലും ഇന്നലെ ഈ ചുവരിലും വരച്ചതെന്ന് …. അത് മാത്രം പോരേടീ അവന്റെ മനസ്സിൽ എത്രത്തോളം നിന്റെ മുഖം പതിഞ്ഞിട്ടുണ്ടെന്ന് മനസ്സിലാക്കാൻ …. ”

ദേവിക അത് പറഞ്ഞതും അഹാന മറപടിയൊന്നും പറയാതെ ആ ചിത്രത്തിൽ തന്നെ നോക്കി നിന്നു .

” വർഷങ്ങൾക്ക് ശേഷം ഞാനിന്നലെ കണ്ടു ആ പഴയ അഹാനയെ , അല്ല ഈ ചിത്രത്തിലുള്ള അച്ചുവിനെ . നീ ഈ ചിത്രം കണ്ട് സന്തോഷത്തോടെ നിൽക്കുന്നത് കണ്ടപ്പോൾ ഞാൻ കണ്ടത് പഴയ ആ അഹാനയെ തന്നെയായിരുന്നു , എന്റെ പഴയ കളിക്കൂട്ടുകാരിയെ …. ”

ദേവിക ആ ചിത്രത്തിലേയ്ക്ക് തന്നെ നോക്കി നിന്നുകൊണ്ട് പറഞ്ഞു …

” നിനക്ക് വെറുതെ തോന്നിയതാകും …. ”

ഒരു പുഞ്ചിരിയോടെ അഹാന അതും പറഞ്ഞ് ടേബിളിന്റെ പുറത്തിരുന്ന ബുക്കുകളോരോന്നും എടുത്ത് ബാഗിൽ വയ്ക്കാൻ തുടങ്ങി …