💘 അരികത്തായാരോ – 7 💘 വിച്ചു [ ചെകുത്താനെ സ്നേഹിച്ച മാലാഖ ] 1836

എന്റെ ശബ്ദം കേട്ടില്ല എന്ന് കരുതി ഇനി ഉറങ്ങാതിരിക്കണ്ട . പിന്നെ വെറുതെ ടെൻഷനടിച്ചും ഉറങ്ങാതിരുന്നും ആരോഗ്യം കളയണ്ട ഞാനിനിയും ഇതുപോലെ ബോധം കെട്ടു വീണാൽ എടുത്തോണ്ടോടാൻ ആരോഗ്യം വേണമെന്ന് കൂടി അയാളോട് പറഞ്ഞേയ്ക്ക് …. ”

അഹാന സന്തോഷം നിറഞ്ഞ സ്വരത്തോടെ അത്രയും പറഞ്ഞ് കോൾ കട്ട് ചെയ്തു .

” ഇവളിതെന്തോന്നാ വള്ളീം പുള്ളീം ഇടാത്ത രീതിയിൽ ഓരോന്ന് പറഞ്ഞത് …. ”

അജു അതും പറഞ്ഞ് ചിന്തിച്ചു കൊണ്ട് ബെഡിൽ കയറി ഇരുന്നു . യദു അപ്പോഴും അവൾ പറഞ്ഞത് തന്നെ ആലോചിക്കുകയായിരുന്നു …

” ടാ പൊട്ടാ ….. ടാ അവൾക്ക് നിന്നെ ഇഷ്ടമാണെന്നാ ആ പറഞ്ഞതിനർത്ഥം . ”

യദു ഒരു ഞെട്ടലോടെ ചാടിയെണീറ്റു കൊണ്ട് പറഞ്ഞു .

“നീ എന്താ പറഞ്ഞേ ? ”

” എടാ അവൾ പറഞ്ഞതെന്താ , ഇന്നത്തെപോലെ ഇനിയും ബോധം കെട്ടു വീണാൽ എടുത്തോണ്ടോടാൻ നിനക്ക് ആരോഗ്യം വേണമെന്നല്ലേ …. അതിനർത്ഥം ഇനിയെന്നും നീ അവളുടെ ഒപ്പം വേണമെന്നല്ലേ ….. എടാ അവൾക്ക് നിന്നെ ഇഷ്ടമാണെന്ന് …. ”

യദു അതും പറഞ്ഞ് തുള്ളിച്ചാടാൻ തുടങ്ങി . അജുവാണെങ്കിൽ യദു പറഞ്ഞത് കേട്ട് കിളി പോയ അവസ്ഥയിലും .

അജു വേഗം ഉടുത്തിരുന്ന ലുങ്കി മാറ്റി പാന്റും ടീഷർട്ടും എടുത്തിടാൻ തുടങ്ങി ….

” നീയിതെങ്ങോട്ടാ ഈ രാത്രി …..? ”

അജു വേഷം മാറുന്നത് കണ്ട് യദു ചോദിച്ചു …