❤ വൈശാലി ❤ [VECTOR] 238

“ദാ വിളക്ക് പിടിച്ച് വലത് കാൽ വെച്ച് അകത്തേക്ക് കയറിക്കോളൂ കുട്ടി!!!” പുഞ്ചിരിയോടെ അവർ പറഞ്ഞതും കൗതുകം അടക്കാൻ ആയില്ല ആ പെണ്ണിന്… വിളക്കും വാങ്ങി വലത് കാൽ വെച്ച് കയറിയപ്പോൾ വല്ലാത്ത ഒരു സന്തോഷം ആയിരുന്നു ആ പെണ്ണിന്!! ചിലപ്പോൾ സ്വപ്നം കണ്ട പാഴ് കിനാവ് യാഥാർഥ്യമായതിനാൽ ആവാം….

എല്ലാവർക്കും ഒത്തിരി ഇഷ്ട്ടം ആയിരുന്നു വൈശുവിനോട് എന്നാൽ ശ്രീകുട്ടിക്ക് മാത്രം അവളെ കണ്ണിന് നേരെ പിടിച്ചൂടായിരുന്നു…

വീട്ടിലെ കാര്യസ്ഥനെ കവലയിലേക്ക് വിട്ട് വൈശുവിന് ഉടുക്കാൻ അഞ്ചാറ് കൂട്ടം വസ്ത്രങ്ങൾ വാങ്ങിപ്പിച്ചു… ഒരു ഡ്രസ്സ്‌ കയ്യിൽ കൊടുത്ത് കൊണ്ട് കൗസല്യ അവളെ മുകളിലേക്ക് പറഞ്ഞയച്ചു… ആദ്യം കണ്ട മുറിയിൽ കയറി അവൾ ബാത്റൂമിലേക്ക് കയറി കുളിച്ചിറങ്ങി….

___________________________________

ഹരിയേട്ടനെ അപ്പോൾ കണ്ടതാണ് പിന്നെ കണ്ടതേ ഇല്ല… അമ്മ(കൗസല്യ) പറഞ്ഞു പുറത്തേക്ക് പോയി എന്ന്… വൈശു അധികം സംസാരിച്ചില്ലെങ്കിലും അവർ ചോദിക്കുന്നതിന് എല്ലാം ഉത്തരം പറഞ്ഞു… ആരെക്കെയോ സ്വന്തമായി കിട്ടിയത് പോലെ ആയിരുന്നു അവൾക്ക്… താഴ്ന്ന കുടുംബത്തിൽ ഉള്ളത് ആണെന്നുള്ള ഒരു വകബേദവും കാട്ടാതെ സ്നേഹത്തിൽ പെരുമാറുന്ന വീട്ടുകാരെ കണ്ടതും അവളുടെ പഴയ ചിന്താഗതികൾ ഓരോന്നും ഞെട്ടറ്റ് വീഴുക ആയിരുന്നു…

“വൈശു മോളെ!!!” രാത്രിയോട് അടുത്തിരുന്നു സമയം… കൗസല്യ വിളിച്ചതും സെറ്റിയിൽ ഇരുന്ന് മുത്തച്ഛനോടും മുത്തശ്ശിയോടും വർത്തമാനം പറയുക ആയിരുന്ന അവൾ കൊട്ടി പിടഞ്ഞ് കൊണ്ട് അടുക്കളയിലേക്ക് ദൃതിയിൽ ചെന്നു…

“ന്താ അമ്മാ… ” വിനയത്തോടെ അവൾ ചോദിച്ചതും വാത്സല്യത്തോടെ ആ കവിളിൽ ഒന്ന് തലോടി അവർ…

ഹരികുട്ടൻ ഇനിയും വന്നിട്ടില്ല.. മോള് പോയി കിടന്നോ സമയം ഒത്തിരി ആയില്ലേ… ക്ഷീണം കാണും ന്റെ കുട്ടിക്ക്… ” സ്നേഹത്തോടെ അവർ പറഞ്ഞതും കണ്ണ് നിറഞ്ഞ് പോയി ആ പെണ്ണിന്റെ… ഓടി ചെന്ന് ഇറുകെ പുണർന്നു അവൾ കൗസല്യയെ… പെട്ടന്ന് ആയത് കൊണ്ട് ഒന്ന് ഞെട്ടിയിരുന്നു കൗസല്യ… ഒരു ചിരിയോടെ അവരുടെ കൈകളും അവളിൽ വലയം തീർത്തു…

രാത്രി ഒരുപാട് ആയിട്ടും ഹരി എത്തിയിരുന്നില്ല… വൈശുവിന് ആണെങ്കിൽ കിടന്നിട്ട് ഉറക്കവും വന്നില്ല…

എന്തായിരിക്കും ഇപ്പോൾ വീട്ടിൽ… വല്യമ്മ ന്നെ പ്രാകുന്നുണ്ടാവും,, ചാരുവിനോട് എന്നോടുള്ള വെറുപ്പ് ഒന്നുകൂടി വർധിച്ചിട്ട് ഉണ്ടാവും… ഓരോന്ന് ആലോചിച്ച് കൊണ്ടിരുന്നതും വാതിലിൽ ഒരു കൊട്ട് വീണു… വേഗം തന്നെ വാതിൽ തുറന്നതും കള്ളും കുടിച്ച് ആടി ആടി നിൽക്കുന്ന ഹരിയെ കണ്ടതും മദ്യത്തിന്റെ രൂക്ഷ ഗന്ധം മുഖത്ത് തട്ടിയതും അവൾ അറപ്പോടെ മുഖം ചുളിച്ചു…