❤ വൈശാലി ❤ [VECTOR] 238

പുറത്തിറങ്ങി ചുമരിന് ചാരി അവൾ നെഞ്ചിൽ കൈ വെച്ചു…

“ഹൂ ന്റെ കണ്ണാ എന്തക്കെ അറിയണം ഇയാൾക്ക്… ഇനിയിപ്പോ ഇന്നലെ നടന്നത് ഒന്നും ഓർമ ഇല്ലേ ആൾക്ക്… ” ആലോചിച്ചതും ചുണ്ടിൽ സുന്ദരമായ ഒരു ചിരി വിരിഞ്ഞു… എത്ര വേണ്ടെന്ന് വെച്ചാലും അങ്ങോട്ട് തന്നെയാ ന്റെ മനസ്സ് പോവുന്നെ… പിരിച്ചേക്കല്ലേ കണ്ണാ!!! ആദ്യായിട്ടാ ജീവിക്കാൻ കൊതി തോന്നുന്നത്…

വൈശു പുറത്തേക്ക് പോവുന്നത് കണ്ടതും അത്രയും നേരം ഗൗരവത്തിന്റെ മുഖം മൂടി അണിഞ്ഞ ഹരി എല്ലാം മറന്ന് പൊട്ടിച്ചിരിച്ച് പോയി…

“ഹരിയേട്ടന്റെ വൈശുട്ടിക്ക് നല്ലവണ്ണം കള്ളം പറയാൻ ഒക്കെ അറിയാലേ… ന്നാലും ന്റെ പെണ്ണേ നിന്റെ ഓരോ ഭാവങ്ങൾ… ഉഫ് നിക്ക് പിടിച്ച് നിൽക്കാൻ കഴിയുന്നില്ലല്ലോ… ഇന്നലെയും അത് തന്നെയാ സംഭവിച്ചേ നിന്നെ ഒന്ന് പേടിപ്പിക്കാനേ ഞാൻ കരുതിയുള്ളൂ പക്ഷെ പറ്റിപ്പോയി…

സാരല്ല്യാ എന്നായാലും നീ എനിക്ക് ഉള്ളതല്ലേ അത് അല്പം നേരത്തെ ആയി അത്രേ ഒള്ളു…” മനസ്സിൽ പറഞ്ഞ് കൊണ്ടവൻ തലക്ക് കൈവെച്ച് കണ്ണടച്ച് കിടന്നു…

________________________________

മേലെ നിന്നും ഓടി വന്ന്  വൈശു പടികൾ ഇറങ്ങുമ്പോൾ ഹെഡ്സെറ്റും ചെവിയിൽ വെച്ച് പാട്ട് കേട്ട് കൊണ്ട് വരുന്ന ശ്രീകുട്ടിയെ അവൾ കണ്ടിരുന്നില്ല… മനസ്സ് വേറെ എവിടേയോ ആയിരുന്നു ഓടി വന്ന വൈശു എതിരെ വന്ന ശ്രീകുട്ടിയെ ഒന്ന് തട്ടി… ദോ കെടക്കണ് ചട്ടീം കലവും…

വീണ് കിടക്കുന്ന ശ്രീ കണ്ടത് ചുണ്ടിൽ ഒളിപ്പിച്ച ചിരിയോടെ താൻ വീണത് ഒന്നും അറിയാതെ ഏതോ സ്വപ്നലോകത്ത് എന്ന പോൽ പോവുന്ന വൈശുവിനെആയിരുന്നു… അപ്പൊ തന്നെ അവളെ നോക്കി ഒരു അലറൽ ആയിരുന്നു…

“ഡീീീ….. !!!”

ഞെട്ടി കൊണ്ട് വൈശു തിരിഞ്ഞ് നോക്കിയതും ദേഷ്യത്തിൽ തന്നെ തുറിച്ച് നോക്കുന്ന ശ്രീയെ കണ്ടതും തൊണ്ടയിൽ നിന്നും ഉമിനീർ ഇറക്കാൻ പാട് പെട്ട് പോയി അവൾ…