❤ വൈശാലി ❤ [VECTOR] 238

ശരീരത്തിൽ വെള്ളം തട്ടുമ്പോൾ അങ്ങിങ്ങായി നീറുന്നുണ്ട്!! ഞാൻ എന്തേ ഇങ്ങനെ??ഇരുപത് കൊല്ലം ആയി ജീവിക്കാൻ തുടങ്ങിയിട്ട് ഇനിയും ഒന്നിനോടും പ്രതികരിക്കാൻ താൻ പഠിച്ചിട്ടില്ല!!! ആദ്യമായി പ്രതികരിച്ചത് ഹരിയേട്ടനോടാണ് സമ്മാനമായി ഒരു മഞ്ഞച്ചരട്‌ കിട്ടി… ആലോചിക്കും തോറും അവളോട് തന്നെ അവൾക്ക് പുച്ഛം തോന്നി… കുളി കഴിഞ്ഞ് കട്ടിലിൽ കിടക്കുന്ന ഹരിയെ ഒന്ന് നോക്കി അവൾ തറയിൽ ഒരു ബെഡ്ഷീറ്റ് വിരിച്ച് കിടന്നു…

“വൈശു മോളെ,, ഹരി ഒരു പാവാ കുറച്ച് മുൻകോപം ഉണ്ടെന്നേ ഒള്ളു… ഉള്ള് നിറയെ സ്നേഹാ ന്റെ കുട്ടിന്റെ… ” രാവിലെ എണീറ്റ് അടുക്കളയിലേക്ക് ചെന്ന് ചായ ഇടുമ്പോൾ ആണ് ദോശ ചുട്ട് കൊണ്ട് കൗസല്യ പറഞ്ഞത്… എല്ലാം ഒരു ചിരിയോടെ അവൾ കേട്ട് നിന്നു…

പാറക്കൽ തറവാട്ടിലെ കേശവൻ ആണ് ഹരിയുടെ അച്ഛൻ… ഹരിയേട്ടന്റെ കുഞ്ഞു വയസ്സിലെ അമ്മ മരിച്ചിരുന്നു… പിന്നെ എല്ലാം അച്ഛനും തറവാട്ട്ക്കാരും ആയിരുന്നു അവന്…. ബിസിനസ്‌ മാൻ ആയിരുന്ന ഹരിയുടെ അച്ഛൻ അദ്ദേഹത്തിന്റെ സ്റ്റാഫ്‌ ആയ കൗസല്യയെ കല്യാണം കഴിക്കണം എന്ന് വീട്ടിൽ പറഞ്ഞപ്പോൾ പൂർണ്ണ സമ്മതം ആയിരുന്നു എല്ലാവർക്കും.. ഹരിക്ക് ഒഴികെ!! സ്കൂളിൽ പഠിക്കുമ്പോ കൂട്ടുകാര് ഓരോന്ന് പറഞ്ഞ് കൊടുത്തു ഈ കഥകളിലെ രണ്ടാനമ്മയെ പറ്റി..സ്നേഹം ഇല്ലാത്ത എപ്പോഴും അടിയും പട്ടിണിക്കും കിടത്തുന്ന അച്ഛന്റെ രണ്ടാം ഭാര്യ അതായിരുന്നു അവന്റെ ചിന്താഗതി…

കുറേ അവൻ എല്ലാവരുടെയും പിറകെ നടന്ന് ഈ കല്യാണം വേണ്ടെന്ന് പറഞ്ഞെങ്കിലും ആരും അവന്റെ വാക്ക് ചെവി കൊണ്ടില്ല…. കുഞ്ഞ് ഹരിയുടെ മനസ്സിൽ വല്ലാത്ത നോവായി മാറിയിരുന്നു ആ സംഭവം… കൗസല്യയെ കാണുമ്പോൾ എല്ലാം തന്നെ അച്ഛനിൽ നിന്നും പിരിക്കാൻ വന്ന സ്ത്രീ ആയിട്ടേ അവൻ കണ്ടുള്ളു.. അത് കൊണ്ട് തന്നെ അച്ഛന്റെ രണ്ടാം വിവാഹത്തിന് ശേഷം അവൻ വീട്ടിൽ ആരോടും അധികം മിണ്ടില്ല… എന്നാൽ എല്ലാ ആവശ്യത്തിനും മുൻപന്തിയിൽ ഉണ്ടാവുകയും താനും….

ഇതെല്ലാം നാട്ടുകാർ പറയുന്നത് കേട്ടിട്ടുണ്ട്… വൈശാലിക്കും ഒത്തിരി ഒത്തിരി ഇഷ്ട്ടാ തന്റെ ഹരിയേട്ടനെ… അന്നൊരിക്കൽ…..

“വൈശാലി……”ബാക്കി ആലോചിക്കും മുന്നേ ഹരിയുടെ ശബ്ദം ആ വീടാകെ പ്രതിധ്വനിച്ച് കേട്ടു

“ചെല്ല് മോളെ അവൻ വിളിക്കുന്നുണ്ട്.. ” കയ്യിൽ ഒരു ചായ കപ്പും തന്ന് കൗസല്യ അവളോട് പറഞ്ഞതും പുഞ്ചിരിയോടെ അവൾ മുറിയിലേക്ക് ചെന്നു…

ഒരു നീല ബനിയനും കാവി മുണ്ടും ഉടുത്ത് കട്ടിലിൽ ഇരുന്ന് ഫോണിൽ നോക്കുക ആയിരുന്നു ഹരി… അവനെ കണ്ടതും എന്തെന്ന് ഇല്ലാത്ത പരവേശം ആയിരുന്നു അവൾക്ക്!!! അരികിലേക്ക് എത്തും തോറും ഹൃദയം പൊട്ടിപ്പോകും എന്ന വണ്ണം ഹൃദയമിടിപ്പ് വർധിച്ചു… ചായ ടേബിളിൽ വെച്ച് അവൾ മുഖം ഉയർത്തി നോക്കി…