✮കൽക്കി࿐ (ഭാഗം – 22 ) വിച്ചു [ചെകുത്താനെ സ്നേഹിച്ച മാലാഖ ] 972

നാവിനും ശരീരത്തിനും ഒരേ പോലെ കടിഞ്ഞാൺ ഇട്ടത് പോലെ അവൻ ചലനമറ്റ് നിന്നു പോയി . തനിക്ക് ചുറ്റുമുള്ള എല്ലാം വേഗത്തിൽ വട്ടം കറങ്ങുന്ന പോലെ , താനൊരു അപ്പൂപ്പൻ താടി കണക്കെ വായുവിൽ പറന്ന് നടക്കുന്നത് പോലെ . സത്യത്തിൽ എന്ത് ചെയ്യണമെന്നു പോലുമറിയാതെ അവൻ പകച്ച് നിന്നു പോയി ….

പെട്ടെന്ന് എന്തോ ഓർമ്മ വന്നതും അവനവളെ തന്റെ നെഞ്ചിൽ നിന്ന് അടർത്തിമാറ്റി ……

” ഈ ഒരു വാക്ക് കേൾക്കാനാ ഞാനിത്രയും ചോദ്യങ്ങൾ ചോദിച്ചത് , വാശി പിടിച്ചത് …. അന്ന് ഈ നദിയിൽ നിന്ന് രക്ഷിച്ച ശേഷം ഓരോ തവണ സ്വപ്നത്തിൽ വന്ന് ശല്യപ്പെടുത്തുമ്പോഴും ഞാനറിയാതെ സ്നേഹിച്ച് തുടങ്ങിയിരുന്നു ഇയാളെ ….. പിന്നെപ്പിന്നെ ഒരു തരം വാശിയോടെ ഈ മുഖവുമന്വേഷിച്ച് പലയിടത്തും തേടി നടന്നപ്പോഴും ആ ഇഷ്ടം കൂടിയതല്ലാതെ അൽപ്പം പോലും കുറഞ്ഞില്ല …. ഒടുവിൽ ഒട്ടും പ്രതീക്ഷിക്കാതെ ആ മത്സരക്കളത്തിൽ വച്ച് കണ്ടപ്പോഴും നിങ്ങളെ മനസ്സിലായപ്പോഴും എന്റെ ഉള്ളിൽ വന്ന് നിറഞ്ഞ സന്തോഷത്തിന് അതിരുകളില്ലായിരുന്നു …. എന്താണെന്നറിയില്ല പറഞ്ഞറിയിക്കാൻ കഴിയാത്ത ഒരു സന്തോഷമാ നിങ്ങളെ കുറിച്ച് ചിന്തിക്കുന്ന ഓരോ നിമിഷവും എന്റെ മനസ്സിൽ , എനിക്കാ സന്തോഷം ജീവിതകാലം മുഴുവൻ വേണം …. ”

നിറഞ്ഞ കണ്ണുകളോടെ അവൾ പറഞ്ഞതും അവനൊന്ന് ഞെട്ടി …

” പാടില്ല കുമാരീ …. ഞാനൊരു സാധാരണക്കാരനാണ് അങ്ങ് ഈ രാജ്യം ഭരിക്കേണ്ട ഭാവി അവകാശിയും …. എന്റെ മനസ്സിൽ എന്നോ പതിഞ്ഞു പോയതാണീ ഇഷ്ടം . അതും ഒരിക്കലും സ്വന്തമാക്കാൻ കഴിയില്ല എന്ന ഉറപ്പോടെ . പക്ഷെ ഇപ്പോൾ കുമാരി പറയുന്നത്
അത് ഒരിക്കലും ….. ഹ് ….. ഹ ….