✮കൽക്കി࿐ (ഭാഗം – 22 ) വിച്ചു [ചെകുത്താനെ സ്നേഹിച്ച മാലാഖ ] 972

” അങ്ങ് പറഞ്ഞത് ശരിയാണ് കാളീയനും ഇന്ദ്രജാലക്കല്ലും എല്ലാം സത്യമാണ് . പക്ഷെ രണദേവ് അവിടെ എത്തുന്നതിന് മുൻപ് മറ്റൊരാൾ അവിടെ എത്തി അത് കൈവശമാക്കി എന്ന് തോന്നുന്നു … കാരണം , കുമാരി സുഖം പ്രാപിച്ചിരിക്കുന്നു അതിന് കാരണം ഇന്ദ്രജാലക്കല്ലും … ”

ഇതെല്ലാം കേട്ടുകൊണ്ട് വന്ന മൂർത്തി അവരോട് പറഞ്ഞു ….

” താനെന്താ പറയുന്നത് ? ”

വിശ്വസിക്കാനാവാതെ ആത്രേയൻ ചോദിച്ചു …

” സത്യം തന്നെ …. ആരോ കുമാരിയുടെ അറയിൽ കടന്ന് ആ ഇന്ദ്രജാലക്കല്ല് കുമാരിയുടെ ശരീരത്തിൽ പ്രയോഗിച്ചിരിക്കുന്നു …. അത് കാരണം കുമാരിയുടെ എല്ലാ രോഗവും മാറി സുഖം പ്രാപിച്ചിരിക്കുന്നു … പക്ഷെ ആ ഇന്ദ്രജാലക്കല്ലിന്റെ ശക്തിയല്ല മറിച്ച് ആ കല്ല് നേരിട്ട് കുമാരിയുടെ ജീവനുമായി ലയിച്ച് ചേർന്നിരിക്കുകയാണിപ്പോൾ … ചുരുക്കിപ്പറഞ്ഞാൽ ഇപ്പോൾ കുമാരിയുടെ ജീവനാണ് ആ ഇന്ദ്രജാലക്കല്ല് …. അങ്ങേയ്ക്ക് ഇനി അത് നേടണമെങ്കിൽ അവളെ കൊല്ലേണ്ടി വരും …. മാത്രമല്ല രണദേവ് ആക്രമിച്ച് അവശനാക്കിയ ചേകവരും കൊട്ടാരത്തിൽ മടങ്ങി എത്തിയിട്ടുണ്ട് സുരക്ഷിതനായി ….

നമ്മൾ ആരും അറിയാത്ത മറ്റൊരാൾ കൂടി ഇപ്പോൾ കളത്തിലുണ്ട് അത് നമ്മുടെ മിത്രമല്ല ശത്രുവാണ് …. ഭൂപട ചിത്രം കൈവശമില്ലാതെ കാളീയനെ മറികടന്ന് ഇന്ദ്രജാലക്കല്ല് കൈക്കലാക്കിയെങ്കിൽ അവൻ നിസ്സാരനല്ല … ഇന്ദ്രജാലക്കല്ല് ആ ഗുഹയുടെ പുറത്തേയ്ക്ക് പോയതു കൊണ്ടാകാം കാവൽ നിന്ന കാളീയനും ആ ഗുഹ വിട്ട് പുറത്തേയ്ക്ക് പോയത് ….