✮കൽക്കി࿐ (ഭാഗം – 22 ) വിച്ചു [ചെകുത്താനെ സ്നേഹിച്ച മാലാഖ ] 972

” ബന്ധമുണ്ട് തിരുമനസ്സേ … ആ ഭൂപട ചിത്രം കൈവശമില്ലാതെ കാളീയനെ മറികടന്ന് ഇന്ദ്രജാലക്കല്ല് സ്വന്തമാക്കിയ ആ മുഖം മറച്ച വ്യക്തി ഒരു നാഗവംശജനാണ് . ”

അത് കേട്ടതും എല്ലാരിലും അൽഭുതവും ആകാംഷയും നിറഞ്ഞു .

” അതെങ്ങനെ ആ വംശം പോലും നശിച്ച് പോയില്ലെ പിന്നെ …….? ”

രാജൻ സംശയത്തോടെ ചോദിച്ചു …..

” അതിനെക്കുറിച്ച് എനിക്ക് അറിയില്ല രാജൻ …….
പക്ഷെ അയാളുടെ കണ്ണുകൾ എനിക്ക് വ്യക്തമായി പറഞ്ഞ് തന്നു അയാൾ ഒരു നാഗവംശജനാണെന്ന് …. സാധാരണ മനുഷ്യഗണമാണെങ്കിലും ചില സമയത്ത് നാഗവംശജരുടെ കണ്ണുകളിൽ ഒരു പ്രത്യേക തിളക്കം അനുഭവപ്പെടുമെന്ന് എന്റെ അമ്മ എന്നോട് പറഞ്ഞിട്ടുണ്ട് …. ആ തിളക്കം ഞാനും കണ്ടു ഇന്ന് അയാളുടെ കണ്ണുകളിൽ … ”

ഇന്ദ്രസേനൻ മറുപടി പറഞ്ഞു .

” ഞങ്ങളുടെ കുലത്തിലെ പൂർവ്വികർ കാലാകാലങ്ങളായി പാദസേവകരായി നിന്നതു കൊണ്ടാണോ ഒരു അപത്ത് വന്നപ്പോൾ രക്ഷകനായി ആ വംശത്തിെലെ ഒരാൾ തന്നെ നേരിട്ടെത്തിയത് …. പക്ഷെ ഇപ്പൊ ഭയം അത് കൂടുകയാ …. മുൻപ് ഇന്ദ്രജാലക്കല്ലിനെ സംരക്ഷിക്കാൻ കാളീയനുണ്ടായിരുന്നു പക്ഷെ ഇപ്പോൾ ഇന്ദ്രജാലക്കല്ലും എന്റെ മകളും ഒരുപോലെ അപകടത്തിലാണ് . ആരൊക്കെയെന്ന് പോലുമറിയാത്ത ചുറ്റിലുമുള്ള ശത്രുക്കൾ , അവർ ഇനി എന്തും ചെയ്യും ….. ”

മഹാരാജൻ ആകുലതയോടെ പറഞ്ഞു ….

” വിഷമിക്കേണ്ട കാര്യമില്ല രാജൻ . കാരണം കുമാരിയെ രക്ഷിച്ച ആ നാഗവംശജൻ കുമാരിയെയും ഇന്ദ്രജാലക്കല്ലിനെയും സംരക്ഷിച്ചു കൊള്ളും …. അങ്ങ് തന്ന കൽപന അതെനിക്ക് നിറവേറ്റനായില്ല , ഞാനതിൽ പരാജയപ്പെട്ടു മാപ്പാക്കണം ….. ”