✮കൽക്കി࿐ (ഭാഗം – 22 ) വിച്ചു [ചെകുത്താനെ സ്നേഹിച്ച മാലാഖ ] 971

പുറകിൽ നിന്ന് ഒരു സ്ത്രീ ശബ്ദം കേട്ടതും അവരിരുവരും തിരിഞ്ഞ് നോക്കി , അത് ആര്യന്റെ അമ്മയായിരുന്നു …

“എന്താ അമ്മാ ….. ? ”

ആര്യൻ ഉടനെ വിളിച്ച് ചോദിച്ചു ..

” ടാ …. കറങ്ങിത്തിരിഞ്ഞ് നടക്കാതെ ഈ സാധനങ്ങൾ വീട്ടിലെത്തിച്ച് താ … ”

അവന്റെ അമ്മ ഉറക്കെ വിളിച്ചു പറഞ്ഞു പക്ഷെ ആര്യന് അതിനൊട്ടും താൽപ്പര്യമില്ലായിരുന്നു …

” ടാ നീ പോവാൻ നോക്ക് … ഇല്ലെങ്കിൽ രണ്ട് ദിവസം നീ പട്ടിണി കിടക്കേണ്ടി വരും . ”

നരസിംഹൻ ഒരു പുഞ്ചിരിയോടെ അവന്റെ ചെവിയിൽ പറഞ്ഞു …

” ആ …. അത് ശരിയാ … പച്ചവെള്ളം പോലും തരില്ല എന്റെ സ്നേഹ നിധിയായ അമ്മ … ടാ ഞാൻ പോട്ടെ വൈകിട്ട് കാണാം …. ”

ആര്യനതും പറഞ്ഞ് തിരികെപ്പോയി . ഒരു പുഞ്ചിരിയോടെ അവൻ നോക്കി നിന്ന ശേഷം ആ തിരക്കിലൂടെ മുന്നോട്ട് നടന്നു … അപ്പോഴാണ് ആ തിരക്കിനിടയിൽ ആരോ തന്റെ കൈ പിടിച്ച്‌ വലിച്ചതു പോലെ അവന് തോന്നിയത് , ഒരു ഞെട്ടലോടെ കൈ ഉയർത്തി നോക്കിയതും …

” എന്റെ കയ്യിൽ കിടന്ന രുദ്രാക്ഷ മാല , അതെവിടെ ? ….. ഒരിക്കലും നഷ്ടപ്പെടുത്തരുതെന്ന് ബാവ പ്രത്യേകം പറഞ്ഞതാ …. ”

നരസിംഹൻ മനസ്സിൽ ചിന്തിച്ചു കൊണ്ട് ആ തിരക്കിനിടയിലും നിലത്ത് ചുറ്റും നോക്കി പക്ഷെ രുദ്രാക്ഷമാല കണ്ടില്ല ….. ഒരു തരം പരിഭ്രാന്തിയോടെ അവൻ വീണ്ടും ചുറ്റിലും തിരഞ്ഞു ,