✮കൽക്കി࿐ (ഭാഗം – 22 ) വിച്ചു [ചെകുത്താനെ സ്നേഹിച്ച മാലാഖ ] 971

ഇനിയുള്ള നീക്കങ്ങൾ അങ്ങ് സൂക്ഷിക്കണം , നമ്മളറിയാത്ത ഒരു എതിരാളി ഇപ്പോൾ നമുക്ക് എതിരെയുണ്ട് … ”

മൂർത്തി ഗൗരവത്തോടെ പറഞ്ഞു …

” നാഗവംശജൻ ….. ഭൂപട ചിത്രം കൈവശമില്ലാതെ കാളീയനെ മറികടന്ന് ഒരുവൻ ഇന്ദ്രജാലക്കല്ല് നേടിയെടുക്കണമെങ്കിൽ അതൊരു നാഗവംശജന് മാത്രമേ സാധിക്കൂ …..
പക്ഷെ ആ വംശം തന്നെ നശിച്ചതല്ലേ …. ബാക്കി ഉണ്ടായിരുന്ന ആ അവസാന കണ്ണിയെ ഇരുപത്തിയഞ്ച് വർഷങ്ങൾക്ക് മുൻപ് ഞാനല്ലേ ഈ കൈ കൊണ്ട് തീർത്ത് കളഞ്ഞത് … പിന്നെ എങ്ങനെ ? ”

ആത്രേയൻ അത്രയും പറഞ്ഞ ശേഷം കണ്ണുകളടച്ച് ചിന്തിക്കാൻ തുടങ്ങി ……

” ആയോധന കലകളിൽ പ്രാവീണ്യം നേടിയ എന്നെ ഏകദേശം ഇരുപത്തിയേഴ് വർഷങ്ങൾക്ക് മുൻപ് ഒരു യുവാവ് കാണാനെത്തി . അയാളിൽ നിന്നാണ് ഞാൻ ഈ ഇന്ദ്രജാലക്കല്ലിനെപ്പറ്റി അറിയുന്നത് …. ആരുടെയും ദൃഷ്ടിയിൽ പെടാതെ പോയ നാഗവംശത്തിലെ അവസാനത്ത കണ്ണിയായിരുന്നു അവൻ … തങ്ങളുടെ പാരമ്പര്യ സ്വത്തായ ഇന്ദ്രജാലക്കല്ലിനെ കണ്ടെത്തി സ്വന്തമാക്കണം അതായിരുന്നു അവന്റെ ലക്ഷ്യം … പക്ഷെ അതിപ്പോൾ എവിടെയാണെന്നോ ആ ഇന്ദ്രജാലക്കല്ലുമായി പുറപ്പെട്ടു പോയ അ വംശം എങ്ങോട്ട് കുടിയേറിയെന്നോ അവനറിയില്ലായിരുന്നു . ആ വംശത്തെ കണ്ടെത്തണം ഇന്ദ്രജാലക്കല്ലിനെ സ്വന്തമാക്കണം അതിന് ഞാനവനെ സഹായിക്കണം അതായിരുന്നു അവന്റെ ആവശ്യം.

പക്ഷെ ആ ഇന്ദ്രജാലക്കല്ലിനെപ്പറ്റി അവനിൽ നിന്നറിഞ്ഞപ്പൊ ഞാനൊന്നുറപ്പിച്ചു അതവന് നേടിക്കൊടുക്കാനുള്ളതല്ല മറിച്ച് എനിക്ക് സ്വന്തമാക്കാനുള്ളതാണെന്ന് .