✮കൽക്കി࿐ (ഭാഗം – 22 ) വിച്ചു [ചെകുത്താനെ സ്നേഹിച്ച മാലാഖ ] 972

അവൾ രാജകുമാരിയാ ഒന്നുകിൽ അവളെന്നെ കൊട്ടാരത്തിൽ നിന്നോ ഈ നാട്ടിൽ നിന്നോ പോലും നാട് കടത്തും അവളെ സ്നേഹിക്കാൻ എനിക്ക് എന്ത് യോഗ്യത ഉണ്ടെന്നും ചോദിച്ച് … ഇനി അങ്ങനെയല്ലെങ്കിൽ ചിലപ്പോൾ അവളെന്നെ തിരിച്ചു സ്നേഹിച്ചേക്കാം പക്ഷെ അത് ഒരിക്കലും യഥാർത്ഥ സ്നേഹമാകില്ല . മറിച്ച് അവളുടെ ജീവൻ രക്ഷിച്ചതിന്റെ നന്ദിയും കടപ്പാടും മാത്രമേ അതിൽ കാണൂ .. ഒന്നും കാരണമാകാതെ ഞാനെന്ന എന്നെ അവൾ സ്നേഹിക്കണം , ഞാൻ അവളെ സ്നേഹിച്ചത് പോലെ … ഹ് … അങ്ങനെ ഒന്ന് ഒരിക്കലും ഉണ്ടാകില്ല , ഇനി ഒരു വട്ടം കൂടി നേരിൽ കാണുമോ എന്ന് പോലുമറിയില്ല പിന്നെയാ …. ”

നരസിംഹൻ ഒരു പുഞ്ചിരിയോടെ പറഞ്ഞു ….

” ആ …. അവള് നിന്നെത്തേടി കൊട്ടാരത്തിൽ നിന്ന് തെരുവിലേയ്ക്ക് വരണമെന്നാണോ നീ പറയുന്നത് … നടന്നത് തന്നെ … എടാ നീയേ … നീ മൂത്ത് നരയ്ക്കുന്നത് വരെ അവളോടുള്ള പ്രണയവും നെഞ്ചിൽ ചുമന്ന് ഇങ്ങനെ ഇരിക്കത്തെ ഉള്ളൂ … ”

ആര്യൻ പരിഭവത്തോടെ ചാടിത്തുള്ളിക്കൊണ്ട് പറഞ്ഞു , അത് കണ്ട് നരസിംഹന് അടങ്ങാത്ത ചിരിയാണ് വന്നത് ….

” ടാ …. ഇത്രയും വലിയ ആപത്തിൽ നിന്ന് ഞാനവളുടെ ജീവൻ രക്ഷിച്ചു , അവളെ മുഖാമുഖം നേരിൽ കണ്ടു ഇതിൽപ്പരം എനിക്കൊന്നും വേണ്ടില്ല …. ഇനി ഈ ജീവിതം മുഴുവൻ എനിക്ക് ജീവിച്ച് തീർക്കാൻ ഇന്നലെ ഒരു ദിവസത്തെ ഓർമ്മ തന്നെ ധാരാളം , അവളുടെ അടുത്ത് ചിലവഴിച്ച ആ കുറച്ച് നിമിഷങ്ങൾ തന്നെ ധാരാളം …