✮കൽക്കി࿐ (ഭാഗം – 22 ) വിച്ചു [ചെകുത്താനെ സ്നേഹിച്ച മാലാഖ ] 972

” അങ്ങേയ്ക്ക് കാരണങ്ങൾ പലതുണ്ടാകും പക്ഷെ എനിക്കത് ഒന്നും തന്നെ ഒരു തടസ്സമല്ല . നിങ്ങൾ പറഞ്ഞത് പോലെ ഞാനീ രാജ്യത്തിന്റെ രാജകുമാരിയാണ് ഭാവി അവകാശിയാണ് അങ്ങനെയുള്ള എന്റെ തീരുമാനം ഉറച്ചത് തന്നെയാണ് അതിൽ മാറ്റമില്ല .

പിന്നെ എന്നെ സ്വന്തമാക്കാൻ ഏന്ത് യോഗ്യതയുണ്ടെന്ന് അങ്ങ് സ്വയം ചിന്തിക്കുന്നു എങ്കിൽ അത് തെറ്റാണ് കാരണം അങ്ങയെ സ്വന്തമാക്കാൻ എനിക്കാണ് ഇനിയും യോഗ്യത വേണ്ടത് . ഒന്ന് മാത്രം പറയാം അങ്ങ് ആരെന്നുള്ള സത്യം , അങ്ങയുടെ വംശവും പാരമ്പര്യവും ഈ വൈകുണ്ഡ പുരി അറിഞ്ഞാൽ പിന്നെ അങ്ങാണ് ഈ ദേശത്തിനും വൈകുണ്ഡ പുരി സാമ്രാജ്യത്തിനും അധിപതി ….

ഞാനിപ്പൊ പോകുന്നു ഇനിയും വൈകിക്കൂടാ കൊട്ടാരത്തിൽ അന്വേഷിക്കും …. നമ്മൾ ഇനിയും നേരിൽ കാണും , കാരണം എന്റെ മനസ്സിലെയും അങ്ങെയുടെ മനസ്സിലെയും ഇഷ്ടം ഒന്ന് തന്നെയാണ് അത് നടക്കും ….. ”

ഒരു പുഞ്ചിരിയോടെ അവൾ പറഞ്ഞ ശേഷം വേഗത്തിൽ കുതിരയുടെ കടിഞ്ഞാണിൽ പിടി മുറുക്കി മുന്നോട്ട് പാഞ്ഞു .. നരസിംഹനാകട്ടെ പലതും മനസ്സിലാകാതെ ആകെ ആശയക്കുഴപ്പത്തിലായി പക്ഷെ ഉള്ളിൽ പറഞ്ഞറിയിക്കാൻ കഴിയാത്ത അത്രയും സന്തോഷമാണ് കാരണം താൻ കാലങ്ങളായി തുറന്ന് പറയണമെന്ന് കരുതിയ കാര്യം പറഞ്ഞു , ഒപ്പം കുമാരിക്കും തന്നെ ഇഷ്ടമാണ് , എന്തോ മനസ്സിൽ സങ്കൽപ്പിച്ച് കൂട്ടിയ പല സ്വപ്നങ്ങൾക്കും ചിറകുകൾ മുളച്ചത് പോലെ … അവ നടുക്കുമെന്ന പ്രതീക്ഷയിൽ അവന്റെ ശരീരമാസകലം കുളിരുകൊണ്ട് മൂടി . ആകെ മൊത്തത്തിൽ ഒരു തരം വട്ട് പിടിച്ച അവസ്ഥ ….