✮കൽക്കി࿐ (ഭാഗം – 22 ) വിച്ചു [ചെകുത്താനെ സ്നേഹിച്ച മാലാഖ ] 971

ആ മെത്തയിൽ നിന്നവൾക്കപ്പോൾ ചാടിയെഴുന്നേൽക്കണമെന്ന് തോന്നി . പക്ഷെ കഴിയുന്നില്ല ശരീരമാസകലം തളർന്നത് പോലെ ഒപ്പം തന്റെ അമ്മയുടെ ആ ചേർത്ത് പിടിക്കലും എല്ലാം കൂടി ഒരു വല്ലാത്ത അവസ്ഥയിൽ പെട്ടത് പോലെയായിരുന്നു അവൾക്കാസമയം …

അറയ്ക്ക് പുറത്തിറങ്ങിയ അവൻ ദൂരത്ത് നിന്ന് രാജൻ വരുന്നത് കണ്ടതും വേഗം വേറെ വഴി തിരിഞ്ഞു … ആ ഇരുട്ടിന്റെ മറവിൽ പടയാളികളുടെ കണ്ണിൽ പെടാതെ അവൻ വേഗത്തിൽ കൊട്ടാരമതിൽക്കെട്ടിന് പുറത്തെത്തി , കർണന്റെ അടുത്തേയ്ക്ക് ….

” കർണാ ഞാൻ ജയിച്ചെടാ … അവൾ അവൾ സുഖം പ്രാപിച്ചു …. ”

നരസിംഹൻ സന്തോഷത്തോടെ പറഞ്ഞതും കർണൻ സന്തോഷത്തോടെ അവന്റെ നെഞ്ചിൽ മുഖം കൊണ്ട് തലോടാൻ തുടങ്ങി , നരസിംഹൻ അവനെ ചേർത്ത് പിടിച്ചു കൊണ്ട് അവന്റെ കഴുത്തിലെ മുടിയിഴകൾ തലോടി …

” ആരോടൊക്കെയാ ഞാൻ നന്ദി പറയേണ്ടത് … വഴി കാണിച്ച് തന്ന ബാവയും ആ വഴി നടത്തിയ നീയും …. പറഞ്ഞറിയിക്കാൻ കഴിയാത്ത അത്ര നന്ദിയുണ്ടെനിക്ക് നിന്നോട് , ഒരു നിമിഷം പോലും വിശ്രമിക്കാതെ രാവോ പകലോ എന്ന് പോലും നോക്കാതെ കാടോ മേടോ എന്ന് പോലും ചിന്തിക്കാതെ നീ ഓടിയില്ലായിരുന്നെങ്കിൽ , സമയത്തിന് എന്നെ ഇവിടെ എത്തിച്ചില്ലായിരുന്നെങ്കിൽ ഒരു പക്ഷെ എനിക്കവളെ രക്ഷിക്കാൻ കഴിയുമായിരുന്നില്ല … ”

അവനത് പറഞ്ഞതും കർണൻ പതിയെ തന്റെ മുഖം അവന്റെ തോളിൽ വച്ചു അത് കണ്ടതും അവൻ കർണനെ മുറുക്കെ കെട്ടിപ്പിടിച്ചു …..