✮കൽക്കി࿐ (ഭാഗം – 22 ) വിച്ചു [ചെകുത്താനെ സ്നേഹിച്ച മാലാഖ ] 972

ആ ഇന്ദ്രജാലക്കല്ല് നീ അവൾക്ക് വേണ്ടി കഷ്ടപ്പെട്ട് നേടിക്കൊണ്ട് വന്നതാണെന്ന് പോലും പറയാതെ ഉള്ളിലെ പ്രണയം പോലും തുറന്ന് പറയാതെ അതും ഇത്രയും നല്ല ഒരു അവസരം മുന്നിൽ കിട്ടിയിട്ട് …. നിനക്കെന്താ ബോധമില്ലേ ….. ? ”

ആര്യൻ തന്റെ മനസ്സിൽ തോന്നിയത് ചെറിയ ദേഷ്യത്തോടെ നരസിംഹനോട് പറഞ്ഞു .

” ഹ് ….. നീ ഇന്നലെ രാത്രി മുതൽ പറയാൻ തുടങ്ങിയതാ ഇത് , ഇനിയും നിർത്താറായില്ലേ … ? ”

നരസിംഹൻ ഒരു പുഞ്ചിരിയോടെ അതും പറഞ്ഞ് അവന്റെ തോളിലൂടെ കൈ ഇട്ടു , പക്ഷെ ആര്യനുടനെ കൈ പിടിച്ചു മാറ്റി …

” നീ പോ ….. നീ പിന്നെ എന്തിനാ അവളെ സ്നേഹിക്കുന്നു എന്ന് പറയുന്നേ …. കുമാരിയെ ഒരു നോക്ക് കാണാൻ കൊതിച്ച് നടന്നവനാ എന്നിട്ടിപ്പൊ നേരിൽ കണ്ടിട്ടും ഇത്രയൊക്കെ സംഭവച്ചിട്ടും ഒന്നും പറയാതെ വന്നിരിക്കുന്നു ഒരു മണ്ടൻ … ”

ആര്യനത് പറഞ്ഞതും നരസിംഹൻ അവന്റെ തോളിലൂടെ കൈ ഇട്ട് അവനെ തന്നോട് അടുപ്പിച്ചു …

” ടാ …. ആര്യാ …. ആ സമയം എനിക്ക് അങ്ങനെ ചെയ്യാനാ തോന്നിയത് … ടാ ഒരിക്കലും കിട്ടില്ല എന്നറിഞ്ഞിട്ടും ഒന്നും പ്രതീക്ഷിക്കാതെയാ ഞാനവളെ അന്നും ഇന്നും സ്നേഹിക്കുന്നത് , അതിന്റെ അളവ് കൂടിയതല്ലാതെ ഒരൽപ്പം പോലും കുറഞ്ഞിട്ടില്ല …

പക്ഷെ ഇന്നലെ ഞാനവളുടെ ജീവൻ രക്ഷിച്ചിട്ട് അവളോട് ഞാനാ തന്നെ രക്ഷിച്ചതെന്നും എനിക്ക് കുമാരിയെ ഒത്തിരി ഇഷ്ടമാണെന്നും വർഷങ്ങളായി പ്രണയിക്കുന്നു എന്നും പറഞ്ഞാൽ ….