✮കൽക്കി࿐ (ഭാഗം – 22 ) വിച്ചു [ചെകുത്താനെ സ്നേഹിച്ച മാലാഖ ] 972

” ഹ് ….. ഹ …. അതൊക്കെ അറിയാം ….. ഇത് ആദ്യമായിട്ടല്ലല്ലോ മുൻപും എന്നെ മരണത്തിൽ നിന്ന് രക്ഷിച്ചിട്ടില്ലേ ? ”

ഒരു പുഞ്ചിരിയോടെ പറഞ്ഞു കൊണ്ട് അവൾ തന്റെ മുഖം ആ വസ്ത്രം കൊണ്ട് മറച്ച ശേഷം പുറത്തേക്കിറങ്ങി …
അവളുടെ മറുപടി കേട്ട അവൻ വീണ്ടും ഞെട്ടിത്തരിച്ച് നിന്നു പോയി …

‘ കുമാരിക്ക് എല്ലാം അറിയാം , എല്ലാം . അതെങ്ങനെ ? ‘

അവൻ സ്വയം ചിന്തിച്ചു കൊണ്ട് അവളുടെ പുറകെ തിരിഞ്ഞു ….

” കുമാരി എങ്ങനെയാ ഇതൊക്കെ അറിഞ്ഞത് …. ? ”

” ….. ശ് …… ”

അവനത് ചോദിച്ചതും അവൾ ഒന്നും പറയരുത് എന്ന മട്ടിൽ ചുണ്ടിൽ വിരൽ വച്ചു ….

” എന്നെ കുമാരീ എന്ന് വിളിക്കരുത് … ? ഞാൻ കൊട്ടാരത്തിന് പുറത്തേയ്ക്ക് വേഷം മാറി ഇറങ്ങുന്ന കാര്യം ആർക്കുമറിയില്ല , ദുർഗ്ഗ അങ്ങനെ വിളിച്ചാൽ മതി ….. ”

അവളതും പറഞ്ഞ് തെരുവിലെ പ്രധാന വഴിയിലേയ്ക്ക് നടന്നു , അവിടെ നിന്ന ഒരു കുതിരയുടെ പുറത്ത് കയറിയ ശേഷം അവൾ കടിഞ്ഞാണിൽ പിടി മുറുക്കി ….

” എന്താ എന്നെ നേരിൽ കണ്ടതിന്റെ ഞെട്ടൽ ഇതുവരെ മാറിയല്ലേ … എന്നോട് കുറേ ചോദിക്കാൻ ഉണ്ടാവില്ലേ … പുറകേ വാ … ”

അവളതും പറഞ്ഞ് കടിഞ്ഞാണിൽ പിടി മുറുക്കിയതും ആ കുതിര മുന്നോട്ട് പാഞ്ഞു . നടക്കുന്നതെല്ലാം ഒരു തരം സ്വപ്നം പോലെ തോന്നി നിന്ന നരസിംഹൻ ചുറ്റിലും നോക്കി , കാണാതെ വന്നതും അവൻ ഉറക്കെ ” കർണ്ണാ ” എന്ന് നീട്ടി വിളിച്ചു …