⚒️Añ Angel And Her Devil Brothers⚒️ 4

Author : 🔥DEVIL NEW BORN

 

♦️♦️♦️♦️♦️♦️♦️♦️♦️♦️♦️♦️♦️♦️♦️♦️♦️♦️♦️

 

വൈകുന്നേരം എല്ലാവരും ഒരുമിച്ചു തന്നെ വീട്ടിലേക്ക് പോയി,. ആര്യനും അഭിയും, കൈലാസും ഒഴികെ ബാക്കി യുവതലമുറ മുഴുവൻ ജോലിക്ക് പോയിരുന്നു..

 

ശിവ വീട്ടിലെത്തിയതും ആര്യനെയും അഭിയെയും വിളിച്ചു അവളുടെ റൂമിലേക്ക് കയറി, ബാക്കി പെൺപടകൾ എല്ലാം ചിത്തുവിന്റെ മുറിയിലേക്കും പോയി.

 

അവളുടെ മുഖഭാവത്തിൽ നിന്ന് എന്തോ അത്യാവിശ്യകാര്യം പറയാൻ ആണ് അവൾ വിളിച്ചതെന്ന് മനസ്സിലായ അവർ അധികം മസ്സില് പിടിക്കാതെ ഒരുമിച്ചു തന്നെ അവളോടൊപ്പം പോയി…

 

അവൾ ഇന്ന് കോളേജിൽ വെച്ച് ദേവികയെ കണ്ടതും വൈദ്ദേഹി അവളുടെ വീട്ടിൽ ആണെന്നും അവൾ മേലെടത്ത് കുടുംബത്തിലെ ആണെന്ന കാര്യവും അവരോട് പറഞ്ഞു, എന്നാൽ ദേവിക അവളോട് പറഞ്ഞ ചില കാര്യങ്ങൾ മറച്ചു വെച്ചു, അത് കേൾക്കാൻ അവകാശം ഉള്ളത് വൈദ്ദേഹിയുടെ രാവണനു മാത്രം ആണെന്ന് അവൾ മനസ്സിൽ ഉറപ്പിച്ചിരുന്നു….

 

“ഇപ്പോഴും ഒന്നും ഫിൽ ആയില്ലല്ലോ ശിവൂട്ടാ, നീ എന്തൊക്കെയോ മറയ്ക്കുന്നുണ്ട്….

 

ശിവ പറഞ്ഞു നിർത്തിയതും അവളുടെ മുഖത്തേക്ക് തന്നെ നോക്കി ആര്യൻ പറഞ്ഞു, അഭിയും അവളെ തന്നെ നോക്കി ഇരിക്കുകയായിരുന്നു,.

 

“ഉണ്ട്, അത് പക്ഷെ നിങ്ങൾ അറിയേണ്ട കാര്യം അല്ല, അത് എനിക്ക് അജൂട്ടനോട് മാത്രേ പറയാൻ കഴിയൂ..

 

അവരെ രണ്ടുപേരും മാറി മാറി നോക്കി അവൾ പറഞ്ഞു…

 

“Ok ഇതിൽ എനിക്ക് ചെയ്യാൻ പറ്റുന്നതെന്താ?

 

“അങ്ങനെ ഒരാളുടെ മാത്രം സഹായം എനിക്ക് വേണ്ട ഈ കാര്യത്തിലെങ്കിലും നിങ്ങൾ രണ്ടുപേരും ഒരുമിച്ചു നിൽക്കണം…

 

ആര്യൻ പറഞ്ഞതും, ശിവ അവളുടെ ആവിശ്യം പറഞ്ഞു….