പിഴച്ചവൾ

Author : നീതു ചന്ദ്രൻ

 

ദൂരെ നിന്നും കുന്നിൻ മുകളിലേക്ക് കയറി വരുന്ന ചൂട്ടിന്റെ കനൽ വെട്ടം.

അത് എപ്പോഴോ അണഞ്ഞും തെളിഞ്ഞു പുകഞ്ഞുകൊണ്ടിരുന്നു…

വാടി കുഴഞ്ഞ മുല്ല പൂക്കൾ പോലെ കട്ടിലിൽ തളർന്നു ഉറങ്ങുന്ന… സുന്ദരിയായ പെണ്ണ്…അവൾ സുമ…

വീടിന്റെ ഉമ്മറത്തു തുങ്ങി കിടക്കുന്ന റാന്തൽ വിളക്ക് കാറ്റിൽ മെല്ലെ ആടിക്കൊണ്ടിരുന്നു…

ചുറ്റും കാടും മരങ്ങളും കൂറ്റാകൂരിട്ടും മാത്രം! ഇടതടവിലാതെ കരയുന്ന ചീവിടും തവളയും മാത്രമുണ്ട് അവൾക്ക് കൂട്ട്.

കുമാരൻ വീടിന്റെ മുറ്റത്തു വന്ന് നിന്ന് ആത്മഗതം…

ഇവൾ ഇത്ര പെട്ടന്ന് ഉറങ്ങിയോ.????

ശേഷം പോക്കറ്റിൽ നിന്നും ബീഡി കൂട് എടുത്ത്, അതീന്ന് ഒരണം വലിച്ചു ഊരിയ ശേഷം റാന്തൽ വിളക്കിന് കിഴേ വന്ന് ഇരുന്ന്

അകത്തേക്ക് നോക്കി വിളിച്ചു..

സുമേ… ഡി പിഴച്ചവളെ…

സുമ ദേഷ്യത്തോടെ തിരിഞ്ഞു കിടന്ന് പിറു പിറുത്തു…

ഈ നാശത്തിന് ഉറക്കവും ഇല്ലേ…?
ശല്യം!!!

ഡി ഈ വാതിൽ ഒന്നു തുറക്കടി ഞാൻ നിന്റെ കുമാരേട്ടൻ ആണെടി…

എന്റെ മുത്തിന്റെ മുഖം ഒന്നു കണ്ടെച്ചു പെട്ടെന്ന് ഞാൻ ഈ കുന്ന് ഇറങ്ങിപോയ്‌ ക്കോളാം…

സുമ അനിഷ്ട്ടത്തോടെ കട്ടിലിൽ നിന്നും എഴുനേറ്റു മുടി വാരി കെട്ടി.

കണ്ണാടിയുടെ മുന്നിൽ ചെന്ന് നിന്ന് രണ്ട് കൈകളും കൊണ്ട് മുഖം തുടച്ചു.

ശേഷം പാതി ഉറക്കം തുങ്ങുന്ന കണ്ണുകളുമായി

അകത്തെ മുറിയിൽ നിന്നും ഇറങ്ങി ചെന്ന് വാതിൽ പാതി തുറന്നു…

റാന്തൽ വിളക്കിന്റെ ചില്ല് പൊക്കി ബീഡി തുമ്പ് തീയോട് ചേർത്ത് വെച്ച് ആഞ്ഞു വലിക്കുന്ന കുമാരൻ

ബീഡിയുടെ കനൽ പോലെ അയാളുടെ കണ്ണുകളും നന്നായി ചുവന്നിരുന്നു..

സുമ… വാതിലിൽ ചാരി കൈകൾ കെട്ടി നിന്ന്  കുമാരനോട് ചോദിച്ചു..

ഇന്ന് ഒരുപാട് മോന്തിയിട്ടുണ്ട് എന്ന് തോന്നുന്നല്ലോ കുമാരേട്ടാ…

കുമാരൻ … ഞാൻ കുടിക്കുന്നുണ്ടങ്കി.
അത് നിന്നെ ഓർത്താണ്…

എന്നിക്ക് വേണ്ടി കുടിച്ചു ചാകാൻ ഇങ്ങേർക്ക് ആരാ ലൈസൻസ് തന്നേ ഹേ? ഞാൻ തന്നോ….???

അതിനുള്ള കുമാരന്റെ മറുപടി ഒരു ചിരിയായിരുന്നു. ശേഷം അയാൾ പറഞ്ഞു…