സീതയെ തേടി (മാലാഖയുടെ കാമുകൻ) 2342

നിരഞ്ജന അതൊന്നും ശ്രദ്ദിക്കാതെ എന്റെ വിരലിലെ ഞൊട്ട വിടുവിക്കുകയാണ്..

“അഹ് ഡോക്ടറെ… “

എന്ന് പറഞ്ഞു ഗായത്രി റൂമിലേക്ക് വന്നു..

“ഗായു.. ഈ ഡോക്ടർമാർ പോലീസിനെ കെട്ടിയാൽ എങ്ങനെ ഉണ്ടാകും?”

ഞാൻ കണ്ണിറുക്കിക്കൊണ്ടു ചോദിച്ചു..

“പിന്നെ സൂപ്പർ അല്ലെ? അതാകുമ്പോൾ പോലീസുകാരിക്ക് അടി കിട്ടിയാലും ചികിൽസിക്കാൻ വീട്ടിൽ ആളുണ്ടാകുമല്ലോ…?”

അവൾ നിരഞ്ജനയെ നോക്കി പറഞ്ഞു..

“ദേ പെണ്ണെ.. കിട്ടും കേട്ടോ നിനക്ക്…”

എന്ന് പറഞ്ഞു അവൾ ചാടി തുള്ളി പുറത്തേക്കു പോയപ്പോൾ ഞങ്ങൾ ചിരിച്ചു..

***

നിരഞ്ജന വീട്ടിൽ വിളിച്ചു പറഞ്ഞതനുസരിച്ചു അമ്മയും അച്ഛനും ഏടത്തിയും കൂടി എന്നെ കാണാൻ വന്നു..

ആക്സിഡന്റ് ആണെന്നാണല്ലോ… കൂടുതൽ ഒന്നും പറഞ്ഞില്ല..

ആദ്യം ഞാൻ അവരെ കാണാൻ താല്പര്യം ഇല്ല എന്ന് പറഞ്ഞെങ്കിലും ഗായത്രി അവർ കണ്ടിട്ട് പൊയ്ക്കോട്ടേ എന്ന് പറഞ്ഞു.. ചേച്ചിയും പറഞ്ഞു..

അമ്മ കരഞ്ഞു കൊണ്ടാണ് റൂമിൽ വന്നത്.. ഗായത്രി എന്റെ കട്ടിലിന്റെ തല ഭാഗത്തു നിന്നു..

ഏട്ടത്തി അവളെ കണ്ടു തല കുനിച്ചു.. അന്ന് ഇവൾ നന്നായി കൊടുത്തതാണല്ലോ..

“മോനെ.. “

എന്ന് വിളിച്ചു അമ്മ കരഞ്ഞപ്പോൾ എനിക്ക് ഒന്നും തോന്നിയില്ല എന്നതാണ് സത്യം..

“സുഖമല്ലേ സീതേ?”

ഞാൻ മെല്ലെ ചോദിച്ചപ്പോൾ അവർ എന്നെ നോക്കി ഒന്ന് പുഞ്ചിരിച്ചു..

“മോൻ എന്നോട് ക്ഷമിക്കണം….”

അച്ഛൻ എന്റെ മുഖത്തു നോക്കാതെ പറഞ്ഞു…

“ഞാൻ നിങ്ങളുടെ മോനും അല്ല, ഞാൻ നിങ്ങളുടെ അടുത്തേക്ക് വരുന്നതും ഇല്ല.. പിന്നെ ക്ഷമയുടെ ആവശ്യം ഇല്ല…”

എന്ന് ഞാൻ തീർത്തു പറഞ്ഞു.. അച്ഛൻ മുഖം കുനിച്ചു…

രണ്ടു പേർക്കും നല്ല വിഷമം ഉള്ളതുപോലെ തോന്നി എന്നാൽ അതൊന്നും എനിക്ക് വലിയ കാര്യം ആയി തോന്നിയില്ല..

കുറച്ചു നേരം നിശബ്തത നിറഞ്ഞു..

“നിന്നോട് ചെയ്ത തെറ്റിന് മാപ്പില്ല എന്നെനിക്കു അറിയാം….” അച്ഛൻ തുടർന്നു….

“അവനെ കൂടുതൽ സ്നേഹിച്ചതിനു അവൻ എന്നെയും ചതിച്ചു…”

ഞാൻ അത്ഭുതത്തോടെ അച്ഛനെ നോക്കി..

“അവൻ എന്തോ ബിസിനസ് എന്ന് പറഞ്ഞു അച്ഛന്റെ സ്ഥലത്തിന്റെ ആധാരം വച്ച് ബ്ലേഡിൽ നിന്നും പണം എടുത്തു.. ഇപ്പോൾ സ്ഥലം മൊത്തം പോകുന്ന അവസ്ഥ ആണ്….അവനെ കിട്ടിയാൽ അവർ തല്ലി കാലൊടിക്കും എന്ന് പറഞ്ഞു.. “

ബാക്കി അമ്മയാണ് പറഞ്ഞത്..

അമ്മ അത് പറഞ്ഞപ്പോൾ ഗായത്രി എന്നെ തോണ്ടി… പണി കിട്ടി എന്നായിരിക്കണം..

“അതിനെന്താ അമ്മെ? പൊന്നു മോനു വീടും കൂടി വിറ്റു അതിന്റെ പൈസ കൊടുക്ക്.. എന്നിട്ടു തെരുവിലേക്ക് ഇറങ്ങ്…