സീതയെ തേടി (മാലാഖയുടെ കാമുകൻ) 2330

ചേച്ചി അകത്താക്കിയ ഒരു മുതലാളിയുടെ ഗേൾ ഫ്രെണ്ട് ആണ് ഇവൾ. അതും ഒരു 666 ബാക് ഗ്രൗണ്ട് ഉള്ള ടീമുകൾ ആണ്..

ഇവൾ അവന്റെ കേസ് പിൻവലിക്കാൻ നിരഞ്ജനയെ കോൺടാക്ട് ചെയ്തിരുന്നു.. എന്നാൽ നിരഞ്ജന സമ്മതിച്ചില്ല.

അയാൾ ജയിലിൽ വച്ച് മരണപ്പെടുകയാണ് ചെയ്തത്. അവൾ അതിന്റെ പകരം വീട്ടിയതും.

നിരഞ്ജനയുടെ കുടുംബത്തിന്റെ മരണത്തിനു പുറകിൽ ഇവൾ ആയിരുന്നു..

എന്നാൽ ഒരു ചെറിയ സംശയം പോലും ബാക്കി വയ്ക്കാതെ ആണ് അവൾ അത് ചെയ്തത്..

ഇവിടെയും പ്ലാൻ അതായിരുന്നു.. എന്നാൽ ഞാൻ എന്നൊരാൾ അവിടെ ഉണ്ടെന്നുള്ള കാര്യം അവർ ശ്രദ്ദിച്ചില്ലേ എന്ന് ആലോചിച്ചപ്പോൾ ആർക്കും മനസിലായില്ല..

കാരണം വ്യക്തമായ പ്ലാനിംഗ് ആയി വന്നവൾ എന്റെ കാര്യം എങ്ങനെ മറന്നു?

അല്ലെങ്കിൽ ചിലപ്പോൾ ഞങ്ങളെ വാച്ച് ചെയ്ത ആളുടെ പിഴവ്..
അല്ലെങ്കിൽ എന്നെയും ഈസി ആയി കൊല്ലാം എന്ന് വിചാരിച്ചിരിക്കാം..

അത് ഞങ്ങളുടെ ജീവൻ രക്ഷിച്ചു.. ഭാഗ്യമോ ആരുടെയോ അനുഗ്രഹമോ ഞങ്ങളെ രക്ഷിച്ചു..

ഇവളും കൂട്ടാളികളും എല്ലാം കുടുങ്ങി..

നേരിട്ടു വന്നു പകരം വീട്ടാനുള്ള അവളുടെ ആഗ്രഹവും നടന്നില്ല..

വല്ലാത്തൊരു പെണ്ണ്..

പല രാത്രികളിലും ഞാൻ അവളെ സ്വപ്നം കണ്ടു ഞെട്ടി എണീറ്റിരുന്നു..

അവളെ അടിച്ച അടിയിൽ തെറിച്ചു പോയ കത്തി കാലുകൊണ്ട് വലിച്ചെടുത്താണ് നിരഞ്ജന കയ്യിലെ കെട്ടു അറുത്തു മാറ്റിയതും പോലീസിനെ വിളിച്ചതും എന്നെ ഹോസ്പിറ്റലിൽ എത്തിച്ചതും..

രാധമ്മയുടെ റൂം അവൾ പുറത്തു നിന്ന് പൂട്ടാൻ പോയിരുന്നത് കൊണ്ടാണ് അവൾ പുറകിൽ വന്നു കുത്തിയത് ഞാൻ കാണാതിരുന്നത്…

അതുപോലെ ഉറക്കത്തിൽ ആയിപോയതു കൊണ്ടാണ് നിരഞ്ജനയെ അവർക്കു കെട്ടിയിടാൻ കഴിഞ്ഞതും…

അവൾ എന്റെ ചോരയിൽ ചവുട്ടി തെന്നി വീണതും, ഞാൻ ഉറങ്ങാതെ കിടന്നതും നിരഞ്ജനക്കു കൈ അഴിക്കാൻ പറ്റിയതും ഒക്കെ ആയുസിന്റെ വലിപ്പം കൊണ്ട് മാത്രം…

എന്നാൽ ഈ ന്യൂസ് പുറത്തു വിടരുത് എന്ന് നിരഞ്ജനക്കു തീരുമാനിക്കേണ്ടി വന്നു.. കാരണം ഇവരുടെ ബാക്ഗ്രൗണ്ട് തന്നെ..

അവളുടെ ശരീരത്തിലെ ടാറ്റൂകളും വേഷവും പിന്നെ മൊബൈലിലെ കുറച്ചു ഡാറ്റകളും വച്ചാണ് ഇവൾക്ക് ഇങ്ങനെ ഒരു ബാക് ഗ്രൗണ്ട് ആണെന്ന് മനസിലാക്കിയത്..

കൂടാതെ നിരഞ്ജനയുടെ കുടുംബത്തിന്റെ മരണം.. അതും ഇവൾ തന്നെ ചെയ്തതാണ് എന്ന് അവളെക്കൊണ്ട് പറയിപ്പിക്കാൻ ഇവർക്ക് കഴിഞ്ഞു..