സീതയെ തേടി (മാലാഖയുടെ കാമുകൻ) 2344

അവളുടെ കണ്ണുകൾ ഒക്കെ തുറിച്ചു വന്നു..

“കണ്ട പെണ്ണുങ്ങളെ ഒക്കെ തേവിടിശ്ശി എന്ന് വിളിക്കാൻ നീ ഏതാടി പട്ടി?”

എന്ന് ചോദിച്ചു കൈ വലിച്ചു ഒരെണ്ണം കൂടി കൊടുത്തു… പടക്കം പൊട്ടും പോലെ..

ഏടത്തിയുടെ കണ്ണ് മറിഞ്ഞുപോയി.. എന്റെ കണ്ണ് മിഴിഞ്ഞും..

“എന്റെ ജീവിനെ ഇനി എന്തെങ്കിലും പറഞ്ഞാൽ നിന്റെ നാക്ക് ഞാൻ പിഴുതെടുക്കും നായെ…”

എന്ന് അലറിക്കൊണ്ട് ഗായത്രി അവളെ ഭിത്തിയോട് ചേർത്ത് ഞെരിച്ചു…

“എടീ??”

എന്ന് അലറിക്കൊണ്ട് ഏട്ടൻ ഓടിവന്നു ഗായത്രിയെ പിടിച്ചു മാറ്റി അടിക്കാൻ കൈ ഓങ്ങി…

അവൻ വരുന്നത് കണ്ടപ്പോഴേ ഞാൻ ബൈക്കിൽ നിന്നും ചാടി ഇറങ്ങി അവൻ വീശിയ കയ്യിൽ പിടിച്ചു പുറകോട്ടു തിരിച്ച ശേഷം കാല് മുട്ട് കൊണ്ട് അവന്റെ നാഭിക്ക് ഒരു ഇടി ഇടിച്ചു..

അവൻ ഒരു കരച്ചിലോടെ നിലത്തു വീണു.. എനിക്ക് ദേഷ്യം അടങ്ങിയില്ല..

“എന്റെ പെണ്ണിനെ തൊടുമോടാ പട്ടി??”

എന്ന് അലറി കൊണ്ട് ഞാൻ അവനെ വലിച്ചു പൊക്കി സർവ ശക്തിയും എടുത്തു ചെവി നോക്കി ഒരെണ്ണം പൊട്ടിച്ചു…

അന്നത്തെ ദേഷ്യം ഇപ്പോഴാണ് എനിക്ക് പുറത്തു വന്നത്…

വെച്ച് വീഴാൻ പോയ അവന്റെ നെഞ്ചിനു ഒരു ചവിട്ടും കൂടെ കൊടുത്തപ്പോൾ അവൻ തെറിച്ചു പോയി ചെടിച്ചട്ടികൾ തകർത്തുകൊണ്ട് അവിടെ വീണു…

ഏട്ടത്തി അലറി കരഞ്ഞു കൊണ്ട് നടുക്ക് വന്നപ്പോൾ ഞാൻ കൈ വലിച്ചു വീശി..

അവളുടെ മുഖത്തിനു നേരെ..

എന്നാൽ ചാടി വന്നു ആ കയ്യിൽ ഗായത്രി കയറി പിടിച്ചു..

എന്റെ കൈബലം അവൾക്കു തടയാൻ ആയില്ല…

അവളുടെ കൈ കൂടി ചേർത്ത് കൊണ്ട് എന്റെ കരം അവളുടെ മുഖത്താണ് അടിച്ചത്….

അവൾ അത് കാര്യമാക്കാതെ തന്നെ തിരിഞ്ഞു ഒരെണ്ണം കൂടി ഏടത്തിയുടെ കവിളിൽ പൊട്ടിച്ചു… അവൾ ഒന്ന് കറങ്ങി താഴെ വീണു..

ഈ ശബ്ദം ഒക്കെ കേട്ടു അകത്തു നിന്ന് അച്ഛനും ഓടി വന്നു…

എന്നെ കണ്ടതും അങ്ങേരു അവിടെ നിന്ന് ഏട്ടനെ നോക്കി…
അടുത്തത് എനിക്ക് കിട്ടുമോ എന്ന സംശയത്തോടെ അയാൾ അവിടെ നിന്നു…

കുനിഞ്ഞു നിലത്തു കിടന്ന ഏട്ടത്തിയെ ഞാൻ കയ്യിൽ പിടിച്ചു വലിച്ചു പൊക്കി…

വാടിയ ചേമ്പിൻതണ്ടു പോലെ അവൾ എന്റെ കയ്യിൽ തൂങ്ങി കിടന്നു എന്റെ മുഖത്തേക്ക് നോക്കി.. മുഖം നീര് വച്ചിട്ടുണ്ട്..

“അന്നേ പറഞ്ഞതല്ലെടി നിന്നോട്? നിനക്ക് കിട്ടും എന്നാൽ അത് എന്റെ കയ്യിൽ നിന്നും ആയിരിക്കില്ല എന്ന്? നീ ചോദിച്ചു വാങ്ങിയല്ലോ മോളെ?”

ഞാൻ അവളുടെ കൈ വിട്ടപ്പോൾ അവൾ നിലത്തു വീണു.. മുഖം തിണിർത്തിരുന്നു..
ചുണ്ടൊക്കെ പൊട്ടി ചോര ഒഴുകുന്നുണ്ടായിരുന്നു..