⚔️ദേവാസുരൻ ⚒️ 7( Demon king-dk) 2386

ഇന്ദു അവളുടെ തലയിൽ കൈ വച്ചു…

,,,,, സത്യം…..

അത് കേട്ടപ്പോൾ പാറുവിന് സന്തോഷമായി….
ഇന്ദുവിന് എന്തെന്നില്ലാത്ത ഒരു പേടിയും
ആ സത്യത്തിന് ചില ജീവന്റെ വില ഉണ്ടായിരുന്നു…..

തുടർന്ന് വായിക്കുക….

പിവി ഒരു ക്രിസ്ത്യൻ പള്ളിയിൽ നിൽക്കുകയായിരുന്നു…. അത് കണ്ടപ്പോഴേ അവന് മനസ്സിലായി…. അവടെ ഒരു മനസമ്മതം നടക്കുകയാണെന്ന്…

മുന്നിൽ നിൽക്കുന്ന കോട്ടും സ്യുട്ടും ഇട്ട ആ ചെറുപ്പക്കാരനെ അവനൊന്ന് നോക്കി…..

അത് അവനായിരുന്നു…..
ജിനോ മാത്യു….

തൊട്ടടുത്ത് നിൽക്കുന്ന പെൺകുട്ടിയെ കൂടെ പിവി അൽപ്പം ഭയത്തോടെ നോക്കി…..

ഒരു വെള്ള വസ്ത്രത്തിൽ തട്ടം മറച്ചാണ് ആ കുട്ടി നിൽക്കുന്നത്….
ഒറ്റ നോട്ടത്തിൽ അതാരാണെന്ന് അവന് ഒരു പിടിയും കിട്ടിയില്ല….
എന്നാൽ നല്ല പരിചിതമായ ആളെ പോലെ തോന്നുകയും ചെയ്തു….

അൽപ്പം കഴിഞ്ഞപ്പോ ആ പെൺകുട്ടി തട്ടം മാറ്റി….
അവളെ കണ്ടതും പിവി ശരിക്കും ഞട്ടി…..
അത് അന്ന ആയിരുന്നു….

അവൻ പോലും അറിയാതെ അവന്റെ കണ്ണുകൾ നിറയാൻ തുടങ്ങി….
ആ സമയം തന്നെ അവന്റെ തോളിൽ ഒരു കൈ പതിച്ചു….

അപ്പൊ തിരിഞ്ഞു നോക്കിയപ്പോൾ ആണ് തന്റെ അടുത്ത് നിൽക്കുന്ന ഹരിയെയും ഇന്ദ്രനെയും നന്ദുവിന്റെയും കണ്ടത്….

അവർ കുഴപ്പമൊന്നും ഇല്ലെന്ന് കണ്ണടച്ചു പറഞ്ഞു….
പള്ളി ചടങ്ങുകൾ പുരോഗമിച്ചു…