നിയോഗം 3 The Fate Of Angels Part VIII (മാലാഖയുടെ കാമുകൻ) 2939

Planet Of Reptilians. Back to the present

വർത്തമാനകാലം..

കിംഗ് അലറിക്കൊണ്ട് അറോറയെ തിരിച്ചു ആക്രമിച്ചു.. അവളുടെ വേഗതയിൽ അയാൾ പകച്ചിരുന്നു..

അതുകൊണ്ടു തന്നെ അയാൾക്ക് അവളെ തൊടാനായില്ല.. അവളുടെ ചലനങ്ങളും രൂപവും കണ്ടപ്പോൾ അയാളുടെ ചുണ്ടിൽ ഒരു ചിരി വന്നിരുന്നു.. അയാൾ തേടി നടന്ന മാണിക്യം തൊട്ടു മുൻപിൽ…

അയാളുടെ ഒരു അടി കൊണ്ട് അറോറ തെറിച്ചു വീണു.. അയാൾ ചാടി സ്കാർലെറ്റ് കിടന്ന അവിടെയെത്തി.. അവളെ ഒരു ചിറകിൽ പിടിച്ചു വലിച്ചെറിഞ്ഞു..

റോഷന്റെ ചലനം അറ്റ ശരീരം അവിടെ ഉണ്ടായിരുന്നു..

“മലെഫിസെന്റ് ബൈറ്റ്.. ഡാർക്ക് എയ്ഞ്ചലിന്റെ കൊമ്പ് കൊണ്ട് മുറിഞ്ഞ ഹൃദയം.. നോ നീ മരിച്ചിട്ടില്ല.. നിന്നെ വിട്ട സ്ഥലത്തേക്ക് ഞാൻ എന്റെ ആളുകളെയും വിട്ടിട്ടുണ്ട്. നടക്കില്ല.. ആം ദി കിംഗ് ഓഫ് ഓൾ യൂണിവേഴ്‌സ്.. ഹഹഹ…ഡൈ….!”

അലറിക്കൊണ്ട് കിംഗ് റോഷന്റെ കഴുത്തു നോക്കി മഴുകൊണ്ട് ആഞ്ഞു വെട്ടി..

വെട്ടുന്നതിന് മുൻപേ പുറകിൽ നിന്നും അറോറ ചാടി മഴുവിൽ പിടിച്ചിരുന്നു.. ഒപ്പം അയാളുടെ കഴുത്തിൽ കാലുകൾ ചുറ്റി വെട്ടു തടുത്തു..

ദേഷ്യത്തോടെ അവളെ കുടഞ്ഞു എറിഞ്ഞു അയാൾ.

ഒപ്പം ചാടി ചെന്ന് അവളെ ചവുട്ടി തെറിപ്പിച്ചു.. അവൾ മലർന്നു അടിച്ചു അയാളുടെ സിംഹാസനത്തിന്റെ മുൻപിൽ ആണ് വീണത്..

അവളുടെ കിടപ്പ് കണ്ടപ്പോൾ അയാളുടെ കണ്ണുകൾ തിളങ്ങി..

അയാൾ വേറെ ഒന്നും ശ്രദ്ധിക്കാതെ അരയിൽ നിന്നും ഒരു കത്തി വലിച്ചെടുത്തുകൊണ്ടു അവളുടെ നേരെ നാവു ഞൊട്ടികൊണ്ടു നടന്നു ചെന്നു.. അവളുടെ അടുത്ത് മുട്ടുകുത്തി ഇരുന്നു.

അവളുടെ കഴുത്തിൽ മെല്ലെ തടവി..

“അവളാണ് നീ.. എനിക്ക് വേണ്ടി കാലം കാത്തുവച്ച പ്രിൻസസ്.. നിന്റെ പിടക്കുന്ന ഹൃദയം എനിക്ക് പച്ചക്ക് തിന്നണം…”