നിയോഗം 3 The Fate Of Angels Part VIII (മാലാഖയുടെ കാമുകൻ) 2939

Planet Of Reptilians.

റോഷന്റെ ചലനം നിന്നു.. കണ്ണിൽ നിന്നും ഒരു നീർതുള്ളി നിലത്തുവീണുചിതറി…

“അവനെ ഞാൻ ആയിരുന്നു കൊല്ലേണ്ടത്.. എന്തിന് നീ ഇടയിൽ കയറി..! അതിബുദ്ധിയാണ് നീ കാണിച്ചത്..!”

അലറിക്കൊണ്ട് കിംഗ് ആയുധം ഉയർത്തി..

വേറെയൊരു അലർച്ച കേട്ടു… അറോറ ആയിരുന്നു അത്..

ഒരു അടി കിട്ടി കിംഗ് തെറിച്ചു വീണു..
വീണ്ടും അലറിക്കൊണ്ട് അറോറ കിങ്ങിനെ ആക്രമിച്ചു.. കിംഗ് അവളെ തിരിച്ചു ആക്രമിച്ചു എങ്കിലും അവൾ തെന്നിമാറി..

“ഞാൻ ചെയ്തത് നിനക്ക് വേണ്ടിയാണ് റോഷൻ.. ഐ ലവ് യു…നിനക്ക് അത് ഉടനെ തിരിച്ചറിയും..”

അത് പറഞ്ഞ ഉടനെ സ്കാർലെറ്റ് അവന്റെ ചലനമറ്റ ശരീരം ചിറകുകൾ കൊണ്ട് പൊതിഞ്ഞു പിടിച്ചു. അവൾ രത്‌നത്തിന്റെ ശക്തിയിൽ ക്ഷീണിത ആയിരുന്നു.. കൊട്ടാരത്തിന്റെയുള്ളിൽ രത്‌നം അതിശക്തമാണ്.

Kochi, Kerala

മേയർ ക്ലിയോപാട്ര കണ്ണുകൾ മെല്ലെ തുറന്നു..

പെട്ടെന്നാണ് അവൾക്ക് സംഭവിച്ച കാര്യങ്ങളൊക്കെ ഓർമവന്നത്.. അവൾ അലറിക്കൊണ്ട് ചാടി എഴുന്നേറ്റു.

അവൾ ബെഡിൽ ആയിരുന്നു.. അവൾ ചുറ്റും നോക്കി.. ആരുമില്ല.. സ്വപ്നം ആയിരുന്നോ? ഇല്ല.. നെഞ്ചിന്റെ ഇടക്ക് ഒരു നീറ്റൽ..
കത്തി തട്ടിയതാണ്‌..

അവൾ ചുറ്റും നോക്കി.. മേശപ്പുറത് മടക്കി വച്ച ഒരു പേപ്പർ..

അതിന്റെ മുകളിൽ “Read me” എന്ന് എഴുതിയിട്ടുണ്ടായിരുന്നു..

അവൾ വിറയലോടെ എഴുന്നേറ്റ് ചെന്ന് അതെടുത്തു.. മെല്ലെ തുറന്നു..

“Give up or die”

ഇത് മാത്രം ആയിരുന്നു അതിൽ ഉള്ളത്.. അവൾക്ക് അതുകൊണ്ടു എന്താണ് ഉദേശിച്ചത് എന്ന് മനസിലായി.. ഇന്നലെ വന്നവൾ.. അവളെപ്പറ്റി ആലോചിച്ചപ്പോൾ ക്ലിയോപാട്ര വിയർത്തു കുളിച്ചു..