നിയോഗം 3 The Fate Of Angels Part VIII (മാലാഖയുടെ കാമുകൻ) 2949

അതിൽ നോക്കരുത് എന്നാണ്.. അവൾ കൈകൊണ്ടു തപ്പി.. ഇളം ചൂടുള്ള പൂവിൽ അവളുടെ കൈ തട്ടി..

ഉടനെ അവൾ കണ്ണടച്ച് ഇരുകൈകളും കൊണ്ട് ആ പൂവ് പറിച്ചെടുത്തു.. ഉടനെ കറുത്ത തുണികൊണ്ടു അതിനെ പൊതിഞ്ഞു.. കണ്ണ് തുറന്നു..
മുരണ്ടുകൊണ്ടു ഓടിവരുന്ന ഒരു ജീവിയെ ആണ് അവൾ കണ്ടത്.. അത് അടുത്തേക്ക് എത്തുംമുൻപേ തന്നെ അവൾ കയ്യിൽ കെട്ടിയ ഉപകരണത്തിൽ വിരൽ അമർത്തി…

*****

റോഷൻ കാത്തിരുന്നു..
ഡിവൈൻ ഉപകരണങ്ങളിൽ എന്തൊക്കെയോ ചെയ്തു.. അവളുടെ മുൻപിൽ ഉള്ള സ്‌ക്രീനിൽ എല്ലാവരുടെയും ആരോഗ്യനില അടക്കം കാണിക്കുന്നുണ്ടായിരുന്നു.

മെല്ലിറ്റ റോഷന്റെ കൈ പിടിച്ചു ഇരുന്നു..

“സമയം ആകുന്നു…അവർ തിരിച്ചു വരുമ്പോൾ ഷിപ്പിനകത്തേക്ക് വരണമെന്നില്ല…പുറത്ത് നിൽക്കാം..”

ഡിവൈൻ ഡോർ ഓപ്പൺ ചെയ്തു പുറത്തേക്ക് ഇറങ്ങി.. റോഷനും അവളുടെ പുറകെ ഇറങ്ങി.. അകെ മൊത്തം ഇരുട്ടാണ്.. നക്ഷത്രമോ സൂര്യനോ ഒന്നുമില്ല..

തല മൂടി മാസ്ക് ഉണ്ടായിരുന്നതുകൊണ്ട് ശ്വാസം കിട്ടുന്നുണ്ടായിരുന്നു..

“വെറുക്കപെട്ടവൾ ആണ് റോഷൻ ഞാൻ.. “

അവൾ മെല്ലെ പറഞ്ഞു.. റോഷൻ അവളുടെ കൈ പിടിച്ചു അവനു നേരെ തിരിച്ചു..

“പക്ഷെ.. അതും നിയോഗമാണ്.. നടക്കണം എന്ന് എഴുതി വച്ചതുപോലെ, അവർ ഭൂമിയിൽ ഇല്ലായിരുന്നു എങ്കിലും നീ ആ ഗ്രഹത്തിൽ ഇല്ലായിരുന്നു എങ്കിലും ഞാൻ എന്ത് ചെയ്തേനെ?
മേയ്‌വൂണിന്റെ ഭാവിയാണ് നിങ്ങൾ ഇപ്പോൾ സംരക്ഷിക്കാൻ കഷ്ടപ്പെടുന്നത്.. ഞാൻ അമ്മയോട് പറയും…”

അവൻ ഒരു പുഞ്ചിരിയോടെ പറഞ്ഞു. അവളുടെ കണ്ണ് നിറഞ്ഞു.. മുഖം സന്തോഷംകൊണ്ട് വിടർന്നു..