നിയോഗം 3 The Fate Of Angels Part VIII (മാലാഖയുടെ കാമുകൻ) 2949

റോൾസ് റോയ്‌സ് മുൻപോട്ട് പോയപ്പോൾ വിക്ടോറിയ ഇന്നോവയുടെ മുൻപിൽ റോഷന്റെ ഒപ്പം കയറി..

റോഷൻ മെറിനെ നോക്കി പുറകെ വാരാൻ കാണിച്ചു വണ്ടിയെടുത്തു..

മെറിൻ ആലോചനയോടെ വണ്ടി ഇന്നോവയുടെ പുറകെ വിട്ടു.. അവർക്ക് ബോധ്യം വന്നു തുടങ്ങിയിരുന്നു..

വണ്ടികൾ കുറെ ദൂരം സഞ്ചരിച്ച ശേഷം എത്തി നിന്നത് ഒരു കാട്ടിൽ ആണ്.. അവിടെ വണ്ടി ഒതുക്കി റോഷൻ ഇറങ്ങി..

“എന്താണ് ഇവിടെ??”

വിക്ടോറിയ അവനെ നോക്കി..

“ആ കെട്ടിടത്തിൽ ആണ് ട്രിനിറ്റി ഉള്ളത്..”

അവൻ കൈചൂണ്ടി കാണിച്ചപ്പോൾ വിക്ടോറിയ അങ്ങോട്ട് നോക്കി.. പഴയ ഒരു കെട്ടിടം.

“ട്രിനിറ്റി തന്നെ പറഞ്ഞതാണ് അവൾ എവിടെ ആയിരുന്നു എന്ന്…”

അവളുടെ സംശയം അവൻ തിരുത്തി കൊടുത്തു..

“ഇപ്പോൾ വരാം…”

പുറകിൽ വന്ന മെറിനോടും അവരോടും പറഞ്ഞു റോഷനും വിക്ടോറിയയും കെട്ടിടത്തിലേക്ക് കയറി..

എന്തോ ജോലികളിൽ ആയിരുന്നു ട്രിനിറ്റി.

അവൾ ഒരു മിനി ലാബ് അവിടെ വികസിപ്പിച്ചിരുന്നു. അവിടെ കുറെയധികം പരീക്ഷണങ്ങൾ അവൾ നടത്തിയിരുന്നു..

കൃതിരിൻ ശക്തി ഉള്ള ദ്രാവകങ്ങൾ കൊച്ചു കുപ്പികളിൽ തണുപ്പിച്ചു വെച്ചിട്ടുണ്ടായിരുന്നു.. മറ്റു പരീക്ഷണങ്ങളും അവിടെ നടക്കുന്നുണ്ടായിരുന്നു.

എന്തോ അനക്കം കേട്ട് അവൾ ഞെട്ടി തിരിഞ്ഞു.. ആരോ വന്നതിന്റെ സിഗ്നൽ അവൾക്ക് കിട്ടി..

“ട്രിനിറ്റി….”

സ്നേഹപൂർവ്വം അവളുടെ പേര് വിളിച്ച ഒരു ചെറുപ്പക്കാരൻ.. അവൾ പകച്ചു നോക്കി അവനെ.. ഇതുവരെ കാണാത്തവൻ.. അവന്റെ കണ്ണിൽ അവളോടുള്ള സ്നേഹമാണ്..