അപരാജിതന്‍ 19 [Harshan] 11390

“എന്‍റെ മുത്തശ്ശന്‍റെ പേരെങ്കിലും ഒന്ന് പറഞ്ഞു തരാമോ ,,,,ഗുരുനാഥാ ”

അദ്ദേഹം കുറച്ചു നേരം ആലോചിച്ചു

“ശങ്കരാ ,,,,ഇത് രഹസ്യമായിരിക്കണം ,, നിന്‍റെ മനസിൽ മാത്രം ഇരുന്നാൽ മതി ,,ഒരുപക്ഷെ ഈ പേരുപോലും നിന്നെ മരണത്തിലേക് നയിച്ചേക്കാം ,,,സമയം ആകുമ്പോൾ മാത്രം അത് മറ്റുള്ളവ൪ അറിഞ്ഞാൽ മതി ”

“ഉറപ്പ് ,,,ഗുരുനാഥാ ,,,,ഞാൻ ആരോടും പറയില്ല ,,,എന്‍റെ മുത്തശ്ശന്‍റെ പേരെങ്കിലും എനിക്ക് അറിയാൻ സാധിക്കുമല്ലോ ”

“ശങ്കരാ ,,,കാലഭൈരവന്‍റെ ഉത്തമഭക്തനായിരുന്നു അവൻ ,,, അവന്‍റെ പേര് ,,”

” ത്രിലോകരുദ്രൻ “

ഗാംഭീര്യമാർന്ന ശബ്ദത്തിൽ പറഞ്ഞ ആ പേര് ആ കുംഭഗോപുരത്തിൽ പ്രതിധ്വനികൾ

“ത്രിലോകരുദ്രൻ “”ത്രിലോകരുദ്രൻ “”ത്രിലോകരുദ്രൻ “”ത്രിലോകരുദ്രൻ “

സന്തോഷത്തോടെ അവൻ ശ്രവിച്ചു ആ പ്രതിധ്വനികൾ

“അപ്പോൾ എന്‍റെ മുത്തശ്ശിയുടെ പേരോ ഗുരുനാഥാ ?”

അവൻ ചോദിച്ചു

അദ്ദേഹം ഒന്ന് പുഞ്ചിരിച്ചു ,,അത് നീ വഴിയെ അറിയും ,,, ,,അറിവ് നാലു പേരിൽ നിന്നാണ് ലഭിക്കുന്നത് കാൽഭാഗം ഗുരുനാഥനിൽ നിന്ന് , കാൽഭാഗം സ്വപ്രയത്നം കൊണ്ട് , കാൽ ഭാഗം സുഹൃത്തുക്കളിൽ നിന്ന് ,,കാൽ ഭാഗം കാലത്തിലൂടെ ,,, മറ്റു പല അറിവുകളും കാലം നിനക്കായി തുറന്നു തരും ”

ആദി പ്രത്യാശയോടെ ഗുരുനാഥൻ പറഞ്ഞത് കേട്ട് നിന്നു

“പിന്നെ ആ ലിഖിതങ്ങൾ,,,നിന്‍റെ വംശത്തിന്‍റെ രഹസ്യം ആണ് ,,,, അത് എന്തെന്ന് നിനക്കു ഞാ൯ ചൊല്ലിതരാം “

അദ്ദേഹം ആദിയുടെ കാതിൽ എന്തെല്ലാമോ ചൊല്ലി കൊടുത്തു

“ഓർത്തു വെക്കുക ,,,ഈ വരികളിലൂടെ നിനക്കു അവിടെ എത്തെണ്ടിടത്തു എത്തിപ്പെടാ൦ ,,”

“അവൻ സംശയത്തോടെ ഗുരുനാഥനെ നോക്കി

“ശങ്ക വേണ്ട ശങ്കരാ ,,,നിനക്കു ഇത് കണ്ടുപിടിക്കാൻ സാധിക്കും ,,,”

അതുകേട്ടപ്പോൾ അവനു ആശ്വാസമായി

“ഗുരുനാഥാ ,,,അങ്ങെനിക് ഒരുപാട് അറിവുകൾ നൽകി ,,ഞാൻ എന്താണ് ഗുരുദക്ഷിണയായി നൽകേണ്ടത് ”

“ഗുരുദക്ഷിണയോ ”

“അതെ ഗുരുനാഥാ ,,,ഇല്ലെങ്കിൽ ഞാൻ നേടിയ അറിവുകൾ ഉപയോഗമില്ലാതെ ആയി പോകും ”

“എങ്കിൽ മൂന്ന് കാര്യങ്ങളുണ്ട് ,,”

“പറയു ഗുരുനാഥ ,,, ”

“മറ്റൊന്നുമല്ല ,, നീ കണ്ടുപിടിക്കുന്ന ഇടത്തുള്ള ചുടലകളത്തിൽ  നിനക്കു ഇഷ്ടമുള്ള അത്രയും ദിവസം ഒരു ചണ്ഡാലനെ പോലെ നീ ജീവിക്കണം ,”

“ഞാനോ ,, ചണ്ഡാളനെ പോലെയോ ,,,?” അവൻ ഉത്ക്കണ്ഠയോടെ തിരക്കി

“അതെ ,,,നിനക്കിഷ്ടം ഉള്ള സമയം ,,”

“ശരി ഗുരുനാഥാ ,,,,”

“അടുത്തത് ,,, ശിവന് വേണ്ടി എന്തെങ്കിലും ചെയ്യണ്ടതായി വന്നാൽ നീ ധീരനായ ഒരു ശൈവനായി മാറണം,,ഒരു ചണ്ഡാലനായി മാറണം.. ”

“അതെന്തൊക്കെയാ ഗുരുനാഥാ ” അവൻ സംശയം പ്രകടിപ്പിച്ചു

‘;അതൊക്കെ കാലഭൈരവൻ കാലത്തിലൂടെ നിനക്കു മനസിലാക്കി തരും”

“ശരി ഗുരുനാഥ ,,ഞാൻ ചെയ്യാം ,,,”

“അവസാനത്തേത് എന്താ ഗുരുനാഥ ?”

“നീ മരിക്കുന്നതിനു മുൻപ് ഒരുവട്ടം എങ്കിലും കൈലാസദർശനം നടത്തണം ”

“അതെന്തായാലും ചെയ്യും ഗുരുനാഥാ ,,, ഉറപ്പായും ഞാൻ പോകും ,,കൈലാസ൦ ഞാൻ കണ്ടിരിക്കും ”

എങ്കിൽ ഇനി മഹാദേവനെ പ്രാർത്ഥിച്ചു നമസ്കരിച്ചു പൊയ്ക്കൊള്ളുക

ആദി മഹാദേവനെ നമസ്കരിച്ചു

അതിനു ശേഷം വീണ്ടും പുലിവേൽ നായകത്തെ കൂടെ നമസ്കരിച്ചു

അവൻ തുരങ്കത്തിലൂടെ മുട്ടിൽ ഇഴഞ്ഞു കൊണ്ട് നടന്നു നീങ്ങി