അപരാജിതന്‍ 19 [Harshan] 11371

 

അവൻ താൻ എഴുതിയ പേപ്പർ അവരെ കാണിച്ചു

അവർ അത് മനസിലാക്കാൻ സാധിക്കാതെ വന്നപ്പോൾ കൈയിൽ ഒളിപ്പിച്ചു വച്ച ആ രഹസ്യം അവർക്ക് നേരെ കാണിച്ചു

 

“ഇതോ ,,,,,,,,,,,,” വല്യമ്മ ചോദിച്ചു

 

“അതെ ,,,,ഇത് തന്നെ വരുമതിരുചിതിരത്തിന്‍റെ പൊരുൾ “

 

അവരെല്ലാവരും അത്ഭുതത്തോടെ അവന്‍റെ കൈയിൽ ഇരുന്ന ആ രഹസ്യത്തെ നോക്കി

<<<<<O>>>>>

അപ്പു ഗുരുനാഥനെ കാണുവാൻ ആയി നാരായണമലയിലേക്ക് പുറപ്പെട്ടു

ശ്രീമന്നാരായണ ക്ഷേത്രം

അവിടെ സന്ധ്യപൂജകൾ നടന്നു കൊണ്ടിരിക്കുന്നു

ശംഖനാദവും മണിനാദവും

പുകയുന്ന സാംബ്രാണിയുടെയും ദീപാരാധന ഉഴിയുന്ന കർപ്പൂരത്തിന്‍റെ സുഗന്ധവും അവിടെ നിറഞ്ഞു നിൽക്കുന്നു

ദീപാരാധന ചെയ്യുന്ന നേരത് അപ്പു നാരായണനെ സാഷ്ടംഗം നമസ്കരിച്ചു

 

അല്പം കഴിഞ്ഞു ആരതി തട്ടം കൊണ്ട് ഗുരുനാഥൻ പുറത്തേക്ക് വന്നു

അവിടെ കൂട്ടിയവരുടെ നെറ്റിയിൽ കളഭം ചാർത്തി

അപ്പുവിന്‍റെ നെറ്റിയിലും കളഭം ചാർത്തി

 

അവനെ നോക്കി പുഞ്ചിരിച്ചു കൊണ്ട് ഗാ൦ഭീര്യത്തോടെ ചോദിച്ചു

 

“നാരായണാ ,,,,, എന്താണ് നീ കണ്ടെത്തിയ പൊരുൾ ?”

ജ്ഞാനദൃഷ്ടിയിൽ അദ്ദേഹം അതറിഞ്ഞിരുന്നു

 

അവൻ ആ മഹാമനീഷിയുടെ പാദങ്ങളിൽ സാഷ്ടംഗം പ്രണമിച്ചു

ഗുരുനാഥൻ അപ്പു വെന്ന ആദിശങ്ക൪ നാരായണനെ പിടിച്ചെഴുന്നേല്പിച്ചു

 

“നീ പറയണ്ട ,,,നിന്‍റെ മനസ്സിൽ ഉള്ളത് തന്നെ ആണ് ആ പൊരുൾ  ,,,,,

ആ പൊരുൾ  കൊണ്ട് , നീ തന്നെ നീ പ്രതിഷ്ഠിച്ച മഹാദേവനെ പൂജ ചെയ്യുക ”

“എന്നിട്ടു തിരികെ ഇല്ലത്തേക്ക് പോകുക”

 

“ഗുരുനാഥാ ,,,,,,,,,ആ ബ്രാഹ്മി ലിഖിതം ,,,,അതിനു വേണ്ടിയാണ് ഞാൻ ഈ കഷ്ടപ്പെട്ടത്”

 

“എല്ലാം നമുക്കറിയാം ,,,,,,,,,,,നീ വിഷമിക്കണ്ട ,,,നിന്‍റെ കൂടെ നാരായണൻ ഉണ്ട് ,,, മഹാദേവനും ഉണ്ട് ,,,”

“ഭഗവാനെ പൂജിച്ചു ഇപ്പോൾ പൊയ്ക്കൊള്ളൂ “

 

അപ്പു അല്പം നേരം ആലോചിച്ചു

 

“ശരി ഗുരുനാഥാ,,,,,,,,,,,,,,,,,” അവൻ അദ്ദേഹത്തിന്‍റെ കാൽ തൊട്ടു വണങ്ങി തിരിഞ്ഞു നടന്നു

കോവിലിനെ ഒരു വട്ടം പ്രദക്ഷിണം ചെയ്തു കൊണ്ട് അവിടെ നിന്നും ഇറങ്ങി നേരെ മലമുകളിലേക്ക് നടന്നു

 

താൻ പ്രതിഷ്ഠിച്ച ആ ശിവലിംഗത്തിനു മുന്നിലായി നിന്നു

ആ ശിവലിംഗത്തെ ചുറ്റി നിൽക്കുന്ന ദിവ്യനാഗം

അവൻ കൈകൾ കൂപ്പി

അതുകണ്ടു ആ നാഗം അവനു പൂജ ചെയ്യുവാനായി ശിവലിംഗത്തിൽ നിന്നും മാറി സമീപമുള്ള വൃക്ഷത്തിലേക്ക് ഇഴഞ്ഞു കയറി പത്തി വിടർത്തി ഇരുന്നു

 

അവൻ ആദ്യം മഹാദേവനെ നമസ്കരിച്ചു

 

എന്നിട്ടു വേഗം പോയി  ക്ഷേത്രകുളത്തിൽ മുങ്ങി നിവർന്നു ഈറനോടെ  ഒരു മൺകുടത്തിൽ ക്ഷേത്രകുളത്തിലെ വെള്ളം കൊണ്ട് വന്നു ഭഗവാനെ അഭിഷേകം ചെയ്തു നമസ്കരിച്ചു

 

എന്നിട്ടു ആ സർപ്പത്തെ നോക്കി

ആദിശങ്കരൻ സർപ്പത്തെ വണങ്ങി സര്‍പ്പം ഇരിക്കുന്ന മരത്തെ നോക്കി പുഞ്ചിരിച്ചു.

നമശിവായ എന്നു ജപിച്ച്  സാഷ്ടാംഗം നമസ്ക്കരിച്ചു

ആ രഹസ്യത്തെ ,,,,

 

തിരു

 

തിരുചിവ

 

തിരുചിവ തിരു 

 

തിരുചിവ തിരുമരം

 

നാഗശിരസിനാല്‍  രഹസ്യമാക്കി വെച്ചിരുന്ന താക്കോല്‍  നിഗൂഡമായി സൂക്ഷിച്ച മഹാരഹസ്യം

“വരുമതിരുചിതിര പൊരുളാ൦   തിരുചിവതിരുമര൦”

തിരു ശിവന്റെ തിരു മരമായ

മുക്കണ്ണന്റെ പ്രതീകമായ

 സാക്ഷാല്‍ വില്വ വൃക്ഷം

കൂവളമരം

 

 

<<<<<()>>>>>>