അപരാജിതന്‍ 19 [Harshan] 11394

സമയം പുലര്‍ച്ചെ നാലുമണി

ഭാർഗ്ഗവഇല്ലത്ത്

വാതിലിൽ നിർത്താതെയുള്ള മുട്ട് കേട്ടാണ് ശപ്പുണ്ണി എഴുന്നേറ്റത്

ഇത്ര പുലർച്ചെ ആരാണ് വാതിൽ മുട്ടുന്നത് എന്ന് അവൻ സ്വയം ചോദിച്ചു കൊണ്ട് വന്നു വാതിൽ തുറന്നു

വീടിനു മുന്നിൽ ഗുരുനാഥൻ

“നാരായണൻ എവിടെ ?” അദ്ദേഹം ചോദിച്ചു

“മേലെ ഇറുക്കെ൯ ” അവൻ ഭയഭക്തി ബഹുമാനങ്ങളോടെ കൈകൾ കൂപ്പി പറഞ്ഞു

“അവനെ ,വിളിക്ക് ,,,”

അതുകേട്ടതും ശപ്പുണ്ണി വേഗം മുകളിലേക്കു ഓടി

അപ്പുവിന്‍റെ മുറിയിൽ നിർത്താതെ മുട്ടി

അവൻ വാതിൽ തുറന്നു

“എന്താടാ ” അവൻ ചോദിച്ചു

“അപ്പു അണ്ണേ,,,, കീഴെ ,,,കീഴെ ,,,ഗു ഗു ഗുരുനാഥർ വന്തിരിക്കാര് ”

അതുകേട്ടു അപ്പു വേഗം പോയി മുഖം കഴുകി താഴേക്ക് ചെന്നു

അദ്ദേഹത്തിന്‍റെ മുന്നിൽ പോയി നിന്നു കാലുകൾ തൊട്ടു തൊഴുതു

“നാരായണ ,,,,,,, സൂര്യൻ ഉദിക്കുമ്പോൾ നീ  ഭാർഗവരാമന്‍റെ അടുത്ത് ഉണ്ടാകണം ,,വേഗം വേണം ,,അഞ്ചു ദിവസം ഇവിടെ നിന്നും മാറി ,,നിൽക്കണം ,വരില്ലേ ”

“വരാം ,,,,,,,,ഗുരുനാഥാ ” അവൻ മറുപടി പറഞ്ഞു

അദ്ദേഹം തിരിഞ്ഞു

എന്നിട്ടു ഉത്തരീയം ശക്തിയിൽ ദേഹത്തെക്കു ഇട്ടുകൊണ്ട് അതിവേഗം നടന്നകന്നു

അപ്പു വേഗം തന്നെ തന്‍റെ മുറിയിലേക്കു പോയി

തയാറായി ഒരു കവറിൽ ഒന്ന് രണ്ടു വസ്ത്രവും എടുത്തു ഇറങ്ങി

അപ്പോളേക്കും പദ്മാവതി വല്യമ്മ അങ്ങോട്ട് വന്നിരുന്നു

ശപ്പുണ്ണി നടന്നത് എല്ലാം പറഞ്ഞിരുന്നു

“അപ്പു ,,,പോകുന്നു എന്ന് പറഞ്ഞുകൊണ്ട് അവിടെ നിന്നും ഇറങ്ങി

ജീപ്പും എടുത്തു നേരെ പരശുരാമ ക്ഷേത്രത്തിലേക്ക് തിരിച്ചു

സൂര്യൻ ഉദിച്ച സമയം അവൻ ക്ഷേത്രത്തിൽ പരശുരാമ സ്വരൂപത്തിനു മുന്നേ കൈകൾ കൂപ്പി ധ്യാനനിരതനായി നിന്നു

“നാരായണാ ” ഗുരുനാഥൻ  ആദിയെ വിളിച്ചു

അവൻ തിരിഞ്ഞു നോക്കി

അദ്ദേഹം അവനു നേരെ മൂന്ന്  വെറ്റിലയുംപാക്കുംനാണയവും നീട്ടി

“വിഘ്‌നവിനാശകനായ ഗണനായകന് ദക്ഷിണ സമർപ്പിച്ചു പ്രാർത്ഥിക്കുക ഇനി മുന്നോട്ടുള്ള യാത്രകളിൽ വരുന്ന വിഘ്നങ്ങൾ എല്ലാം മാറ്റിതരുവാൻ ”

ആദി അതുകേട്ടു ആ ദക്ഷിണ വാങ്ങി ഗണപതിയുടെ കോവിലിൽ സമർപ്പിച്ചു

നമസ്കരിച്ചു

“വിജ്ഞാനത്തിന്‍റെ ദേവതയായ സരസ്വതിയോടു ,,അറിവ് പകർന്നു തരുവാനും അത് ഹൃദിസ്ഥമാക്കാനും ഉള്ള അനുഗ്രഹത്തിനായി പ്രാർത്ഥിക്കുക ”

ആദി അതുകേട്ടു ദേവിക്ക് മുന്നിൽ ദക്ഷിണ വെചു പ്രാർത്ഥിച്ചു

“സകല അറിവുകളും  പകർന്നു തരുവാൻ നിന്‍റെ കുലത്തിന്‍റെ ആചാര്യനായ പരശുരാമനോട് പ്രാർത്ഥിച്ചു അനുഗ്രഹം തേടുക

ആദി അതുകേട്ടു ദക്ഷിണ അദ്ദേഹത്തിന്‍റെ നടയിൽ വെച്ച് അനുഗ്രഹം തേടി പ്രാർത്ഥിച്ചു നമസ്കരിച്ചു

അവിടെ നിന്നും ഇരുവരും നാരായണ മലയിലേക്കു പുറപ്പെട്ടു

അവിടെ ശ്രീമന്നാരായണ ക്ഷേത്രത്തിൽ പ്രവേശിച്ചു

നാരായണനെ തൊഴുതു നമസ്കരിക്കുവാൻ അദ്ദേഹം ആവശ്യപ്പെട്ടു

അവിടെ നിന്നും ആദി പ്രതിഷ്ഠിച്ച ശിവലിംഗത്തിനു സമീപം കൊണ്ട് ചെന്നു

അവനെ  കൊണ്ട് നമസ്കരിപ്പിച്ചു

അവിടെ നിന്നും യാഗശാലയിലേക്ക് നടന്നു

അദ്ദേഹത്തെ അനുഗമിച്ചു ആദിയും

ഹോമകുണ്ഡത്തിൽ എരിയുന്ന ഹോമാഗ്നിയെ  നോക്കി ഗുരുനാഥൻ പറഞ്ഞു

“നാരായണ ,,, അഗ്നി എന്നത് ഊർജമാണ് ,  ശക്തിയാണ് , ബലമാണ് , ജീവന്‍റെ ആധാരം അഗ്നിയാണ്

മൂന്ന് വിധത്തിൽ അഗ്നിയുണ്ട് , ജഠരാഗ്നി , ഭൂതാഗ്നി , ധാത്വാഗ്നി ഇവ മൂന്നും ഊർജത്തിന്‍റെ വിഭിന്ന രൂപങ്ങൾ ആണ് , ജഠരാഗ്നി എന്നത് കഴിക്കുന്ന ആഹാരത്തെ പചിച്ചു അതിനെ ജീവൻ നിലനിർത്താൻ വേണ്ട പോഷകങ്ങളാക്കി മാറ്റുന്ന ഊർജം , ഭൂതാഗ്നി എന്നാൽ പഞ്ചഭൂതങ്ങൾ ആയ പൃഥ്വി ജലം വായു അഗ്നി ആകാശം ഇവയിൽ കുടികൊള്ളുന്ന മഹത്തായ ഊർജ്ജം , ധാത്വാഗ്നി എന്നാൽ ശരീരത്തിലെ സപ്തദാതുക്കളായ രസം രക്തം മാംസം അസ്ഥി   മജ്ജ മേദസ്സ് ശുക്ലം എന്നിവയിൽ ഓജസ്സായി കുടികൊള്ളുന്ന ഊർജ൦ ,,,, ജീവന്‍റെയും മൃതാവസ്ഥയുടെയും ആധാരം അഗ്നിയാണ് ,, ആ അഗ്നിയെ  തൻറെ ആജ്ഞചക്രമായ മൂന്നാം കണ്ണിൽ ധാരണം ചെയ്യുന്നവൻ ആണ് മഹാദേവൻ ,,,, അതിനാൽ നീ ജഗത്തിന്‍റെ ആധാരമായ അഗ്നിയെ നമസ്കരിക്കുക ”