അപരാജിതന്‍ 19 [Harshan] 11390

(90)

ഭൂതനാഥനായ മഹാദേവനെ,  പഞ്ചഭൂതതത്വങ്ങളായി  പ്രതിഷ്ടിക്കപ്പെട്ട അഞ്ചു ക്ഷേത്രങ്ങൾ.

പഞ്ചഭൂത സ്ഥലം എന്ന പേരിൽ അറിയപ്പെടുന്നു

പൃഥ്വിലിംഗം പ്രതിഷ്ടിക്കപ്പെട്ട ഏകാംബരേശ്വർ കോവിൽ

ജലലിംഗം പ്രതിഷ്ഠിക്കപ്പെട്ട ജംബുകേശ്വര൪  കോവിൽ

അഗ്നിലിംഗം പ്രതിഷ്ഠിക്കപ്പെട്ട അരുണാചലേശ്വര൪ കോവിൽ

വായുലിംഗം പ്രതിഷ്ഠിക്കപ്പെട്ട കാളഹസ്തി

ആകാശലിംഗം പ്രതിഷ്ഠിക്കപ്പെട്ട ചിദംബരം

പഞ്ച ഭൂതങ്ങളിൽ മനുഷ്യന്‍റെ സാമാന്യ ബോധത്തിന് മനസിലാക്കാ൯ കഴിയാത്ത തത്വം ആണ് ആകാശം

കാരണം അതിനെ സ്പർശിച്ചു അറിയാൻ സാധിക്കില്ല, ശൂന്യമായ അവസ്ഥ,ആകാശ തത്വത്തിന്‍റെ പൊരുളറിയുവാൻ മനുഷ്യൻ മറ്റു തത്വങ്ങളിലൂടെ ഉന്നതമായ ജ്ഞാനം ആർജ്‌ജിക്കേണ്ടി വരുന്നു.

പഞ്ചഭൂത സ്ഥലങ്ങളായ ക്ഷേത്രങ്ങളിൽ ശിവലിംഗം ഇല്ലാത്ത ക്ഷേത്രം ആണ് ചിദംബരം.

കാരണം ആകാശം എന്നത് ശൂന്യത്തെ കാണിക്കുന്നതിനാൽ സ്പർശിച്ചറിയുവാൻ സാധ്യമല്ലാത്തതിനാൽ അവിടെ കല്ല് കൊണ്ടുള്ള ശിവലിംഗം പ്രതിഷ്ഠിക്കപെട്ടിട്ടില്ല ,

എന്നാൽ അവിടെ ശിവലിംഗത്തെ  ആകാശതത്വമായി സങ്കൽപ്പിക്കുന്നു.

ചിത് എന്നാൽ മനസ്സ് , ബോധം , ജ്ഞാനം  എന്ന അർത്ഥം

അംബരം എന്നാൽ പരിധികളില്ലാത്ത അതിരുകളില്ലാത്ത ആകാശം

ചിദംബരം എന്നാൽ വിശിഷ്ടബോധത്തിന്‍റെ അനന്തമായ ആകാശം എന്നും

ശിവനെ ലിംഗസ്വരൂപത്തിൽ പ്രതിഷ്ടിക്കപ്പെട്ടിട്ടില്ലെങ്കിലും ചിദംബരം ശിവന്‍റെ പ്രപഞ്ചതാളത്തിന്‍റെ സ്വരൂപമായ ആനന്ദതാണ്ഡവമാടുന്ന നടരാജനെ പ്രതിഷ്ഠിച്ചിരിക്കുന്നു.

നടരാജപ്രതിഷ്ടക്ക് പിന്നിലായി കറുത്ത തിരശീലയാല്‍ മറയ്ക്കപ്പെട്ടിടത്താണ് മഹാദേവന്‍റെ  പരമപദമായ  സദാശിവം എന്ന പരബ്രഹ്മവസ്ഥയിൽ നിലകൊള്ളുന്ന  സുവർണ്ണ വിൽവപത്ര വിഭൂഷിതമായ ആകാശലിംഗം ഉണ്ട് എന്ന് സാങ്കൽപ്പികപ്പെടുന്നത്.

ശൈവർ ചിദംബരദർശനം മുക്തിമാർഗ്ഗമായി കണക്കാക്കുന്നു

<<<<<<O>>>>>

പുലർകാലം

ചിദംബരം ക്ഷേത്രം

ലങ്കയിൽ നിന്നും സമുദ്രത്തിലൂടെ നീന്തി വന്ന പുലിവേൽ നായക൦ കൊള്ളിടം നദി കയറി നീന്തി

ഒടുവിൽ ചിദംബരം ദേവസ്ഥാനത്തു ആഗതനായി.

തില്ലൈ നടരാജനായ ആനന്ദ താണ്ഡവ മൂർത്തിയെ ദർശിച്ചു കൊണ്ട് ഒരു കോണില്‍ ധ്യാനാവസ്ഥയില്‍ ഇരുന്നു.

<<<<<<O>>>>>