അപരാജിതന്‍ 19 [Harshan] 11390

അങ്ങനെ രഹസ്യം അടങ്ങിയ രണ്ടു പേജുകൾ അവനു കിട്ടി

അവൻ അതിലെ വാക്കുകൾ മൊത്തം കൂട്ടി നോക്കി

മൊത്തം നൂറ്റി എട്ടു എണ്ണം ഉണ്ടായിരുന്നു

അതായതു 10080  എന്ന വലിയ സംഖ്യയിൽ നിന്നും 108  എന്ന ചെറിയ സംഖ്യയിലേക്കു അവന്‍റെ ആശാൻ ചുരുക്കി കൊടുത്തു , അവന്‍റെ ജോലി കുറെ കൂടെ എളുപ്പം ആക്കി

മഹാദേവന്‍റെ അഷ്ടോത്തര ശത നാമാവലി പോലെ  (നൂറ്റിയെട്ട്പേരുകള്‍ )

നൂറ്റിയെട്ട് വാക്കുകള്‍

അതില്‍ നിന്നുമാണ് ആ പൊരുളിനെ അരിച്ചെടുക്കേണ്ടത് ,,

അതോടെ നാഗമണി മെല്ലെ താഴേക്ക് വന്നു മേശയിൽ ഇരുന്നു

അവനു മനസിലായി ആശാൻ ഉറക്കത്തിൽ ആയിരിക്കും എന്ന്

അവൻ ഭദ്രമായി ആശാനേ എടുത്തു വെച്ചു

തങ്ങൾ ആരും എഴുതിയതിൽ ആ രഹസ്യം ഇല്ല

ദേവിക എഴുതിയതിൽ മാത്രം ആണ് രഹസ്യം ഉള്ളത്

അവനാകെ സന്തോഷം ആയി

ദേവിക മൈഗ്രെയിൻ പ്രശനം പറഞ്ഞതിനാൽ അവളെ രാവിലെ വിളിച്ചു നന്ദി പറയാം എന്ന് അവൻ കരുതി

അപ്പോളും അവനറിയില്ലായിരുന്നു

പാറു ഉറക്കം ഒഴിച്ച് എഴുതിയ പേജുകളിൽ ആണ് അവന്‍റെ അമ്മയെ തേടാൻ ഉള്ള രഹസ്യം ഉണ്ടായിരുന്നത്  എന്ന് ,,,

നല്ല ക്ഷീണം അനുഭവപ്പെട്ടതിനാല്‍ അവനും ഉറങ്ങാന്‍ കിടന്നു

പഞ്ചാക്ഷരി ജപിച്ച് കൊണ്ട് ,,,

അപ്പു മഹാദേവന്‍റെ സ്നേഹം അനുഭവിച്ചറിയുകയായിരുന്നു

അപ്പു അമ്മയുടെ ഫോട്ടോ കൈയിൽ എടുത്തു

അവനു കണ്ണൊക്കെ നിറയുന്നുണ്ടായിരുന്നു

“ലക്ഷ്മി അമ്മെ ,, നല്ല ക്ഷീണം ഉള്ളതുകൊണ്ട കിടക്കാൻ പോകുന്നേ ,,

ഒരു കാര്യം പറയാൻ ഉണ്ടായിരുന്നു,,

അമ്മേടെ മഹാദേവൻ ,,എന്‍റെ മാഷ് ,,അമ്മെനെ വേഗം കൊണ്ടോയി

എന്നാലും ,മഹാദേവന് അപ്പൂനെ വെല്യ ഇഷ്ടാ ,,

ഓരോ സങ്കടത്തിലും കൂടെ നിന്ന് സഹായിക്കുവാ ,,

കണ്ടില്ലേ ,,നാഗരാജാവ് ശിരസിൽ അണിഞ്ഞിരുന്ന നാഗമണി ആശാനേ ആണ് ഒരു കൂട്ടുകാരനായി അപ്പൂന് തന്നത് ,, ആള് വലിയ ദേഷ്യക്കാരനാ ,,എന്നാലും അപ്പൂനെ എപ്പോളും സഹായിക്കും ,, അതുപോലെ തന്നെയാ മഹാദേവനും ,, അറിയാൻ വൈകി പോയി ,, എപ്പോളും കൂടെ ഉണ്ട് ,, എന്തൊരു സ്നേഹമാ ,, കണ്ണൊന്നു നിറഞ്ഞാൽ ,,ഉള്ളൊന്നു നൊന്താൽ അപ്പൊ ഓടിഎത്തും ,, വെറുതെ അല്ല ‘അമ്മ മഹാദേവനെ ഇങ്ങനെ പൂജിച്ചിരുന്നത് ,, എപ്പോളും പ്രാർത്ഥിക്കുമായിരുന്നല്ലോ എന്‍റെ അപ്പൂനെ കാത്തോളണേ ,,എന്ന് ,, അതോണ്ടായിരിക്കും ,, ഇങ്ങനെ കൂടെ നിന്ന് എന്നെ കാക്കണേ ,,,എന്‍റെ വിഷമങ്ങൾ ഒക്കെ ഇല്ലാതെ ആക്കണെ ,,, കടല് പോലെയാ മൂപ്പരുടെ സ്നേഹവും കരുതലും ,,, ”

അവൻ കണ്ണുകൾ തുടച്ചു

അമ്മയ്ക്ക് മുത്തം കൊടുത്തു

എന്നിട്ട് ഫോട്ടോ ടേബിളിൽ വെച്ച്

ബെഡിൽ കിടന്നു

<<<<<O>>>>