അപരാജിതന്‍ 19 [Harshan] 11394

(82)

സമയ൦ 2.20 AM

മിഥുനം രാശിയില്‍ തിരുവാതിരയുടെ നാലാം പാദത്തിന്‍റെ അവസാനഭാഗങ്ങളിലൂടെ ചന്ദ്രന്‍റെ സഞ്ചാരം തുടരുന്നു.

തലൈമാന്നാർ , ശ്രിലങ്കയുടെ വടക്കു പടിഞ്ഞാറൻ കടലോര പ്രദേശ൦

അതിനോട് ചേർന്ന് ആദംസ് ബ്രിഡ്ജ് എന്നും രാമസേതു എന്നു ഭാരതത്തിലും വിളിക്കുന്ന അത്ഭുതങ്ങളിലൊന്നായ പ്രകൃതിയാൽ നിർമ്മിക്കപ്പെട്ട പാലം

മാന്നാർ മുതൽ ധനുഷ്‌കോടി വരെ നാല്പത്തിയെട്ടു കിലോമീറ്റർ നീളത്തിൽ കടലിലിലെ ജലപ്രവാഹം നിമിത്തം പവിഴപുറ്റുകൾ അടിഞ്ഞു കൂടി നിർമ്മിക്കപ്പെട്ട തിട്ട.

ആയിരത്തി നാനൂറു വരെ യുള്ള കാലങ്ങളിൽ ഇത്  സമുദ്രനിരപ്പിനു മുകളിൽ ആയിരുന്നതിനാൽ സഞ്ചാരയോഗ്യം ആയിരുന്നു  എന്നും പിന്നീട് ഉണ്ടായ പ്രകൃതിക്ഷോഭത്താൽ തകർന്നു സഞ്ചാരയോഗ്യം അല്ലാതെ ആയതാണെന്നും അതിനു ശേഷം പ്രതിവർഷം ഉയർന്നു കൊണ്ടിരിക്കുന്ന ജലനിരപ്പിൽ മുങ്ങി പോയതും ആണെന്ന് പറയപ്പെടുന്നു.

പൗരാണികമായ വിശ്വാസം അനുസരിച്ചു ലങ്കയിലേക് സീതയെ വീണ്ടെടുക്കാൻ ശ്രീരാമന് വേണ്ടി വാനരന്മാർ നിർമ്മിച്ച് കൊടുത്ത പാലം.

പുലിവേൽനായക൦ തന്‍റെ ഭാണ്ഡക്കെട്ടും കൈയിൽ പിടിച്ചു നടന്നു കൊണ്ടിരിക്കുന്നു

അദ്ദേഹം ആകാശത്തെ നക്ഷത്രകൂട്ടങ്ങളെയും ജ്വലിച്ചു നിൽക്കുന്ന തിരുവാതിര നക്ഷത്രത്തെയും നോക്കി

അതി വേഗം നടന്നു

ഒടുവിൽ കടൽ തീരത്തു എത്തി ചേർന്നു

അദ്ദേഹം തിരിഞ്ഞു നിന്ന് കൈകൾ കൂപ്പി

ആ വണക്കം കൊടുത്തത് മാന്നാറിൽ നിലകൊള്ളുന്ന പഞ്ചഈശ്വരങ്ങളിൽ ഒന്നായ തിരുകേതേശ്വരം കോവിലിലെ മഹാദേവന് ആയിരുന്നു

ഒടുവിൽ സമുദ്രത്തെ സാക്ഷിയായി തിരിഞ്ഞു

രാമസേതു മുങ്ങികിടക്കുന്ന ഭാഗത്തേക്ക് ചാടി

ആഴങ്ങളിലേക് ചെന്ന് അദ്ദേഹത്തിന്‍റെ കാല്പാദം രാമസേതുവിൽ സ്പർശിച്ചു

അദ്ദേഹം മുന്നോട്ടു നീന്തി കൊണ്ടിരുന്നു

പുലിവേൽനായക൦ ലങ്കേശന്‍റെ ത്രിപുരേശ്വരത്തു നിന്നും ദക്ഷിണഭാരതദ്രാവിഡഭൂമിയിലേക്കു യാത്ര തിരിച്ചു