✮കൽക്കി࿐ (ഭാഗം – 8) വിച്ചു [ ചെകുത്താനെ സ്നേഹിച്ച മാലാഖ ] 997

ഫോൺ വിളിച്ചയാൾ അത്രയും പറഞ്ഞ് കോൾ കട്ട് ചെയ്തു , അത് കേട്ടതും ദേഷ്യം കൊണ്ട് ചാടിയെണീറ്റ ശേഷം ജെറി താനിരുന്ന ചെയറ് ചവിട്ടി തെറുപ്പിച്ചു …..

” എന്നാലും അവരെന്തിനാ ആൾപ്പാർപ്പില്ലാത്ത ആ വഴി പോയത് ….. ”

അവിനാഷ് സംശയത്തോടെ ചോദിച്ചു …

” പോയതാകില്ല …. കരുതിക്കൂട്ടി അവരെ അവിടെ എത്തിച്ചതാകും , അവൻ ….. വെറുതെ വിടില്ല ഞാൻ …… ”

ദേഷ്യം കൊണ്ട് ജെറി ശബ്ദമുയർത്തി ….

                      ********************

അടുത്ത ദിവസം ….
സിറ്റിയിലെ SP ഓഫീസ് …..

” സർ , മെ ഐ ….. ”

” യെസ് പ്ലീസ് കമിങ് ….. ”

ഉള്ളിൽ നിന്ന് അനുവാദം കിട്ടിയതും SI ജയരാജ് അകത്തേയ്ക്ക് കയറിയ ശേഷം മുന്നിലിരിക്കുന്ന തന്റെ മേലുദ്യോഗസ്ഥന് സല്യൂട്ട് നൽകി ….

” ജയരാജ് ഇരിക്കൂ …. ”

S P പറഞ്ഞതും ജയരാജ് മുന്നിലെ ചെയറിൽ ഇരുന്നു , തൊട്ടടുത്ത ചെയറിൽ SI രാജീവും ഇരുപ്പുണ്ടായിരുന്നു … അവർ മുഖാമുഖം നോക്കി ഒന്ന് പുഞ്ചിരിച്ചു …

” നിങ്ങൾ പരിചയക്കാരണല്ലോ അല്ലേ മാത്രമല്ല അടുത്തടുത്ത സ്റ്റേഷനും . എനിവെ , ഞാൻ നിങ്ങളെ അത്യാവശ്യമായി വിളിപ്പിച്ചത് നിങ്ങളുടെ സ്റ്റേഷൻ പരിധികളിൽ നടന്ന കൊലപാതകങ്ങളെക്കുറിച്ച് സംസാരിക്കാനാണ് .
നാല് ദിവസങ്ങൾക്ക് മുൻപ് രാജീവിന്റെ സ്റ്റേഷൻ പരിധിയിൽ ഒരാളും ഇന്നലെ രാത്രി ജയരാജിന്റെ സ്റ്റേഷൻ പരിധിയിൽ രണ്ട് പേരും …