✮കൽക്കി࿐ (ഭാഗം – 8) വിച്ചു [ ചെകുത്താനെ സ്നേഹിച്ച മാലാഖ ] 996

” ഞാൻ ആരാ ? അതിന്റെ ഉത്തരം പറയാം . പിന്നെ രാഹുലിനെപ്പറ്റി എനിക്കെങ്ങനെ അറിയാം എന്നുള്ള ചോദ്യം … ഹ് അവന്റെ കഴുത്തിൽ വാള് കുത്തിയിറക്കി വേദനയെന്തെന്ന് അറിയിച്ചതും , അവന്റെ തല വേറെ ഉടല് വേറെയാക്കിയതും , അവന് ഏറ്റുവും ക്രൂരമായ മരണം നൽകിയതും , അത് ഞാനാ …. ഹ …. ”

ആ യുവാവ് ഒരു ചിരിയോടെ പറഞ്ഞു ….

അത് കേട്ടതും വിവേകും ക്രിസ്റ്റോയും ഒരുപോലെ ഞെട്ടി … വിവേക് ഒരു നടുക്കത്തോടെ തോക്ക് മാറ്റിയ ശേഷം ഒന്ന് പിന്നോട്ടാഞ്ഞു , ശേഷം അവൻ മുന്നോട്ട് നീങ്ങി ആ തോക്ക് വീണ്ടും അയാളുടെ നെറ്റിക്ക് നേരെ ചൂണ്ടി . പക്ഷെ ഇത്തവണ വിവേകിന്റെ ഉള്ളിൽ ഭയം നിറഞ്ഞിരുന്നു അത് ശരീരത്തെയും ബാധിച്ചു , കാരണം തോക്ക് പിടിച്ച അവന്റെ കൈ ചെറുതായി വിറയ്ക്കുന്നുണ്ടായിരുന്നു …..

” എന്താ കൈ വിറയ്ക്കുന്നുണ്ടല്ലോ ….. ? തോക്ക് പിടിക്കുമ്പോൾ കൈ വിറയ്ക്കാൻ പാടില്ല . ദാ ഇതുപോലെ ഉറച്ച് നിന്ന് ശത്രുവിന്റെ നെറ്റിയിൽ തോക്കിന്റെ കുഴൽ മുട്ടിച്ച് നിർത്തണം .”

അയാളതും പറഞ്ഞ് വിവേകിന്റെ കയ്യിൽ പിടിച്ച് ആ തോക്ക് തന്റെ നെറ്റിയിൽ മുട്ടിച്ചു എന്നിട്ട് വീണ്ടും തന്റെ കൈകൾ ഉയർത്തി നിന്നു , അത് കണ്ടതും ക്രിസ്റ്റോയ്ക്ക് ആകെ ഭയമായി ….

” ടാ …… അവനെ കൊല്ല് …. വെറുതെ വിടരുത് ….. സമയം കളയാതെ വേഗം കൊല്ല് ….