✮കൽക്കി࿐ (ഭാഗം – 8) വിച്ചു [ ചെകുത്താനെ സ്നേഹിച്ച മാലാഖ ] 997

” അവനെ കയ്യിൽ കിട്ടാതെ എന്നോട് വീടിന് പുറത്തിറങ്ങരുതെന്നാ പറഞ്ഞത് , എത്രയെന്ന് വച്ചാ അവിടെ . അതാ ഞാൻ ഇങ്ങോട്ട് പോന്നത് … അച്ഛനും ആളിനെ വിട്ട് അവനെപ്പറ്റി അന്വേഷിക്കുന്നുണ്ട് . ഞാനാ ജബ്ബാറിനോട് പറഞ്ഞിട്ടുണ്ട് , അവന്റെ പിള്ളേര് ഏതോ കേസ്സിൽ ഇപ്പൊ റിമാന്റിലാ . അവനും ആ മുത്തുവും മാത്രമേ ഇപ്പൊ ഉള്ളൂ , അതുകൊണ്ട് ചരണിനെക്കൂടി ഞാനവരുടെ അടുത്തേക്ക് അയച്ചു ….

ഒന്നും കണ്ടെത്താൻ പറ്റിയില്ലെങ്കിൽ ആ വക്കീലിന്റെ വിട്ടിൽ ഒരു ഡ്രൈവറ് ഉണ്ടായിരുന്നില്ലേ അയാളെ അങ്ങ് പൊക്കാൻ പറഞ്ഞിട്ടുണ്ട് . അവനെപ്പറ്റി അയാൾക്ക് എന്തെങ്കിലും അറിയാതിരിക്കില്ല ….. ജബ്ബാറിക്ക ഇടിച്ച് ചോര തുപ്പിച്ചിട്ടിയാലും അയാളെക്കൊണ്ട് സത്യം പറയിപ്പിക്കും …. ”

ജെറി ദേഷ്യത്തോടെ പറഞ്ഞു …..

                      ********************

” ടാ ….. സത്യം പറ അവനെവിടെയുണ്ട് …. പറയെടാ …… ? ”

ജബ്ബാറ് അതും ചോദിച്ചു കൊണ്ട് കസേരയിൽ കൈകൾ കെട്ടി ഇരുത്തിയിരിക്കുകയായിരുന്ന ആന്റണിയുടെ കരണത്തേക്ക് ആഞ്ഞടിച്ചു ….
അത് കണ്ട് തൊട്ടടുത്ത് നിന്ന മുത്തുവും ചരണും ഒന്ന് ചിരിച്ചു ….

” അവനെവിടെ ഉണ്ടെന്ന് പറയാതെ നിന്നെ ജീവനോടെ വിടില്ല ….. ”

വിരൽ ചൂണ്ടി അത്രയും പറഞ്ഞ ശേഷം ചെരുപ്പിട്ട കാലു കൊണ്ട് ജബ്ബാറ് ആന്റണിയുടെ കാൽപാദം ചവിട്ടി ഞെരിച്ചു ….. ആന്റണിയാകട്ടെ വേദന കൊണ്ട് കണ്ണുകൾ മുറുക്കെ അടച്ച ശേഷം കണ്ണ് തുറന്ന് പതിയെ ഒന്ന് പുഞ്ചിരിച്ചു …..