✮കൽക്കി࿐ (ഭാഗം – 8) വിച്ചു [ ചെകുത്താനെ സ്നേഹിച്ച മാലാഖ ] 995

” എന്തായാലും കയ്യിൽ നിന്ന് പോയതിന്റെ അത്രേം വരില്ലല്ലോ ? നടന്ന സംഭവങ്ങളൊക്കെ കേട്ടിട്ട് എല്ലാ എണ്ണവും ഭയത്തിലാ …. അതാ ഞാൻ ഒരു ബ്രേക്ക് എടുക്കാമെന്ന് വിജാരിച്ചത് . ഈ ദിവങ്ങൾ കൊണ്ട് എനിക്കവനെ കണ്ട് പിടിക്കണം എന്നിട്ട് പട്ടിയെ തല്ലുന്ന പോലെ തല്ലിക്കൊല്ലണം …. ”

ജെറി ദേഷ്യത്തോടെ പറഞ്ഞു ….

“എടാ നീ അവനെ നിസ്സാരനായി കാണരുത് , ഒരിക്കൽ അങ്ങനെ ചിന്തിച്ച് ഉഴപ്പിയതാ നമുക്ക് വന്നുപോയ ഏറ്റുവും വലിയ തെറ്റ് …. ഞാൻ അയച്ച് തന്ന വീഡിയോ ക്ലിപ്പ് നീ കണ്ടായിരുന്നോ … ? ”

” മ് കണ്ടു , അന്ന് ആ കോളിനിടയിൽ ഒരു വീഡിയോ എനിക്കായി ഒരുക്കി വച്ചിട്ടുണ്ട് എന്ന് അവൻ പറഞ്ഞതിന്റെ അർത്ഥം ഇത് കണ്ട ശേഷമാ എനിക്ക് മനസ്സിലായത് ….. ”

ജെറി അതും പറഞ്ഞ് ചെയറിൽ നിന്നെണീറ്റു ….

” അവന്റെ ദൈര്യം സമ്മതിക്കണം , സി സി റ്റി വി വിഷ്വൽസ് പോലീസ് പരിശോധിക്കുമെന്നറിയാമായിരുന്നിട്ടും അവനതിന് മുന്നിൽ വച്ച് തന്നെ അവരെ കൊന്ന് തള്ളി …. എന്നിട്ടും കാര്യമില്ല , ഇതുവരെ പോലീസിന് കില്ലറിനെ പറ്റി ഒരു തുമ്പും കിട്ടിയിട്ടില്ല എന്നാ അറിയാൻ കഴിഞ്ഞത് , അവരിപ്പോഴും ആ ബൈക്കും തപ്പി നടക്കുവാ ….

അതെങ്ങനെയാ ഫോറൻസിക്കുകാർക്ക് ഒരു തലമുടിയിഴ പോലും കൊടുക്കാതെയല്ലേ അവനെല്ലാം ചെയ്യുന്നത് , പിന്നെ എങ്ങനെ തെളിവ് കിട്ടാനാ . നമുക്കറിയാവുന്നത് പോലീസിനോട് പറയാമെന്ന് വച്ചാൽ ആദ്യം അകത്താവുക നമ്മളായിരിക്കും ….
അതൊക്കെ പോട്ടെ അങ്കിൾ എന്താ പറഞ്ഞത് ? ”

അവിനാഷ് ജെറിയോട് ചോദിച്ചു ….