✮കൽക്കി࿐ (ഭാഗം – 8) വിച്ചു [ ചെകുത്താനെ സ്നേഹിച്ച മാലാഖ ] 997

അ കാഴ്ച കണ്ട് ഒന്ന് അനങ്ങാൻ കൂടി കഴിയാതെ മരവിച്ച അവസ്ഥയിലായിരുന്നു ക്രിസ്റ്റോ …. പ്രാണന് വേണ്ടി പിടഞ്ഞ ശേഷം മരിച്ച് വീണ വിവേകിനെ കണ്ട ആ നിമിഷം അവൻ ഭയത്തിന്റെ കൊടുമുടിയിൽ എത്തിക്കഴിഞ്ഞിരുന്നു …..

” ഹലോ …. ക്രിസ്റ്റോ .. അവനെ തീർത്തോ ഏഹ് ? ”

ക്രിസ്റ്റോയുടെ കയ്യിലിരുന്ന ഫോണിലൂടെ ജെറിയുടെ ചോദ്യം മുഴങ്ങി …. പക്ഷെ അവനാകട്ടെ മറുപടി പറയാൻ കഴിയുന്ന അവസ്ഥയിലായിരുന്നില്ല കാരണം അവന്റെ ശരീരം ഭയം കൊണ്ട് വിറയ്ക്കുകയായിരുന്നു .

മുന്നിൽ നിന്ന ആദി ക്രിസ്റ്റോയുടെ നേരെ തിരിഞ്ഞു അത് കണ്ടതും അവനൊന്ന് പകച്ചു , ഭയത്തോടെ അവനെത്തന്നെ നോക്കി നിന്നു …..

” ഹലോ ക്രിസ്റ്റോ ഞാൻ പറയുന്നത് കേൾക്കുന്നില്ലേ …. ഹലോ അവനെ തീർത്തോ ഏഹ് ? ”

വീണ്ടും അവന്റെ കയ്യിലിരുന്ന ആ ഫോണിൽ നിന്ന് ജെറിയുടെ ചോദ്യമുയർന്നു …..

തന്നെ ഭയത്തോടെ നോക്കി നിൽക്കുന്ന ക്രിസ്റ്റോയെ ഒന്ന് നോക്കിയ ശേഷം ആദി അവന്റെ വിറയ്ക്കുന്ന കയിൽ നിന്ന് ആ ഫോൺ വാങ്ങി ….

” മ് തീർത്തു , ഒരാളെ . ഇനി ഒരാൾ കൂടിയുണ്ട് ……
ഹ് ” .

ക്രിസ്റ്റോയുടെ മുഖത്ത് നോക്കി ഫോണിന്റെ മറുവശത്തുളള ആൾ കേൾക്കുന്ന രീതിയിൽ ഉറക്കെ പറഞ്ഞു , അത് കേട്ടതും ക്രിസ്റ്റോ ജീവഭയം കൊണ്ട് പുറകോട്ട് നീങ്ങി ….