✮കൽക്കി࿐ (ഭാഗം – 8) വിച്ചു [ ചെകുത്താനെ സ്നേഹിച്ച മാലാഖ ] 997

SI രാജീവ് SP യോട് പറഞ്ഞു , അത്രയും കേട്ട ശേഷം അയാൾ തൊട്ട് മുന്നിലിരിക്കുന്ന ജയരാജിന്റെ മുഖത്തേയ്ക്ക് നോക്കി .

” സർ , ഇന്നലെ രാത്രി കൊല്ലപ്പെട്ടത് വിവേക് , ക്രിസ്റ്റോ എന്നിവരാണ് . അതിൽ വിവേക് ഒരു അനാഥനാണ് , അയാളെപ്പറ്റി മറ്റ് ഡീറ്റൈയിൽസ് അന്വേഷിക്കുന്നതേയുള്ളൂ …. പിന്നെ ക്രിസ്റ്റോ അവനും കൊല്ലപ്പെട്ട രാഹുലിനെപ്പോലെ നാട്ടിൽ കള്ളം പറഞ്ഞിരിക്കുകയായിരുന്നു ഒരു കമ്പനിയിൽ വർക്ക് ചെയ്യുകയാണെന്ന് , പക്ഷെ അന്വേഷണത്തിൽ ക്രിസ്റ്റോ ആ കമ്പനിയിൽ ഒരു തവണ പോലും ഒരു കാര്യത്തിനും ചെന്നിട്ടില്ല എന്നാണ് അറിയാൻ കഴിഞ്ഞത് . പിന്നെ ഇവരുടെ മൊബൈൽ ഫോണുകളും മിസ്സിങ്ങാണ് .

പിന്നെ ഇവർ സഞ്ചരിച്ച കാറിൽ നിന്ന് അഞ്ച് കോടി രൂപയോളം കള്ളപ്പണം കണ്ടെത്തിയിട്ടുണ്ട് . പിന്നെ ആ കാറ് അത് ക്രിസ്റ്റോയുടെ പേരിൽ രജിസ്റ്റേഡാണ് …..

സർ പിന്നെ ഒരു ഇംപോർട്ടന്റ് ഇൻഫർമേഷൻ , സംഭവം നടന്ന സ്ഥലത്ത് സി സി റ്റി വി ക്യാമറ ഉണ്ടായിരുന്നു …… ”

ജയരാജ് അത് പറഞ്ഞതും SP യും രാജീവും ആകാംഷയോടെ അയാളെ നോക്കി ….

” എന്നിട്ട് എന്തെങ്കിലും ക്ലൂ …… ”

SP ഉടനെ ചോദിച്ചു …..

” സർ SI രാജീവ് പറഞ്ഞതുപോലുള്ള
നമ്പർ പ്ലേറ്റില്ലാത്ത ഒരു മോഡിഫൈഡ് ബൈക്ക് പിന്നെ ശരീരം മുഴുവൻ കറുത്ത വസ്ത്രം ധരിച്ച ഒരാളും .