✮കൽക്കി࿐ (ഭാഗം – 8) വിച്ചു [ ചെകുത്താനെ സ്നേഹിച്ച മാലാഖ ] 996

നിലത്ത് കിടക്കുന്ന ആ ഫോണെടുക്കാനായി ക്രിസ്റ്റോ തന്റെ വലത് കൈ താഴേക്ക് നീട്ടിയതും വീണ്ടും വായുവിലൂടെ പറന്ന് വന്ന ഷൂറികെൻ അവന്റെ ആ കയ്യിലും മുറിവേൽപ്പിച്ച് പറന്ന് നീങ്ങി …..

” സ് ….. അഹ് … ആ …. ആ ……….. ”

ആ കയ്യിലും ചെറുതായി മുറിവേറ്റിരുന്നു , അവന്റെ രണ്ട് കയ്യിലെ മുറിവിൽ നിന്നും ചെറുതായി രക്തം പുറത്തേയ്ക്ക് വരുന്നുണ്ടായായിരുന്നു …

അവന്റെ ആ നിലവിളി ശബ്ദം ഫോണിലൂടെ കേട്ടതും ജെറിയും ഒന്ന് ഭയന്നു …. അവർക്ക് എന്തോ പ്രശ്നം സംഭവിച്ചിട്ടുണ്ടെന്ന് അവന് മനസ്സിലായി , അവൻ കോൾ കട്ട് ചെയ്യാതെ ശ്രദ്ധയോടെ കേട്ട് നിന്നു …

ഈ സമയം കൊണ്ട് വിവേക് നിലത്ത് നിന്ന് എണീറ്റു , അവന്റെ തലയുടെ പുറക് വശം കാറിന്റെ മുന്നിൽ വന്നിടിച്ച് നല്ല പരിക്ക് പറ്റിയിരുന്നു , അവൻ തന്റെ ഇടത് കൈ കൊണ്ട് പുറം തലയിൽ അമർത്തിപ്പിടിച്ചിട്ട് കയ്യിൽ നിന്ന് തെറിച്ച് വീണ തോക്ക് നിലത്ത് നിന്ന് എടുത്ത ശേഷം പതിയെ നിലത്ത് നിന്ന് എണീറ്റു …

” ടാ ….. ഇന്ന് നിന്റെ അവസാനമാ ….. ”

നിലത്ത് നിന്ന് കാറിന്റെ ബോണറ്റിൽ പിടിച്ച് എഴുന്നേറ്റ വിവേക് ആദിക്ക് നേരെ തോക്ക് ചൂണ്ടിക്കൊണ്ട് അലറി വിളിച്ചു …..

” അവനെ തീർക്കെടാ …… ആ …….”

വേദനയോടെ ക്രിസ്റ്റോയും അലറി ….

വിവേകിന്റെ ശബ്ദം കേട്ട് ആദി അവന്റെ നേർക്ക് തിരിഞ്ഞു അതേ നിമിഷം തന്നെ വിവേക് പിസ്റ്റനിലെ കാഞ്ചി വലിച്ചു …..