✮കൽക്കി࿐ (ഭാഗം – 8) വിച്ചു [ ചെകുത്താനെ സ്നേഹിച്ച മാലാഖ ] 997

” അടി കൊണ്ടിട്ട് ചിരിക്കുന്നോ ടാ പന്ന @@@##₹₹ ”

വളരെ ഉച്ചത്തിൽ ശബ്ദമുയർത്തിയക്കൊണ്ട് ജബ്ബാറ് ദേഷ്യത്തോടെ ആന്റണിയുടെ നെഞ്ചിലേക്ക് ആഞ്ഞ് ചവിട്ടി … ചവിട്ടു കൊണ്ട അയാൾ കസേരയോടെ പുറകിലേക്ക് നിലത്ത് മറിഞ്ഞ് വീണു …. ഉടനെ തന്നെ ചരണും മുത്തുവും ചേർന്ന് കസേര പഴയത് പോലെ ഉയർത്തി വച്ചു , പക്ഷെ അപ്പോഴും ആന്റണിയുടെ മുഖത്ത് ആ പഴയ പുഞ്ചിരി തന്നെയായിരുന്നു …..

” അണ്ണാൻ കുഞ്ഞിനെ മരം കയറ്റം പഠിപ്പിക്കണ്ട എന്ന് നിങ്ങൾ കേട്ടിട്ടില്ലേ … ഹ … ഹ ….. അവനെവിടെ വളർന്നു എങ്ങനെ ജീവിച്ചു എന്നത് മുഖ്യമല്ല പകരം അവൻ നേടേണ്ടത് എന്തോ അത് നേടിക്കഴിഞ്ഞു , കാരണം അവന്റെ രക്തം അത് തന്നെ ……. എനിക്ക് സന്തോഷമേ ഉള്ളൂ കാരണം ഞാൻ എന്റെ വാക്കും ഞാൻ ചെയ്ത സത്യവും പാലിച്ച് കഴിഞ്ഞു …. ഒരു രാത്രി ഞാനീ കയ്യിൽ ഏറ്റ് വാങ്ങിയതാ , ഇന്നവൻ ആരെയും നേരിടാൻ തക്കവണ്ണം ശക്തനാ . അതു കൊണ്ട് നിങ്ങളിപ്പോ എന്നെ കൊന്നാലും ഞാൻ സന്തോഷത്തോടെ ചാവും …. പക്ഷെ നിങ്ങളുടെ കാര്യം അത് കഷ്ടമാ ….. തേടി വരും , നിങ്ങളെവിടെയാണെങ്കിലും അവിടേയ്ക്ക് . തീർക്കേണ്ടവരെ തീർത്തിട്ടേ അവനീ നാട്ടിൽ നിന്ന് പോകൂ …. പോകും പോകണം പോകാതെ പറ്റില്ല …. ഹ ….. ഹ ….. ഹ …… ”

ഒരു ഭ്രാന്തനെപ്പോലെ അത്രയും പറഞ്ഞ ശേഷം അയാൾ പൊട്ടിച്ചിരിച്ചു …. അയാളുടെ ആ വാക്കുകൾ കേട്ടതും അവരുടെ ഉള്ളിലും ചെറിയ ഭയം തോന്നി ….. ജബ്ബാർ തിരിഞ്ഞ് പുറകിലെ ടേബിളിന് പുറത്തിരുന്ന കുപ്പി തുറന്ന് വെള്ളം കുടിച്ചിറക്കി …..