✮കൽക്കി࿐ (ഭാഗം – 8) വിച്ചു [ ചെകുത്താനെ സ്നേഹിച്ച മാലാഖ ] 995

പെട്ടെന്ന് ഒരു ശബ്ദം കേട്ട് ഒരു ഞെട്ടലോടെ അവർ തിരിഞ്ഞ് നോക്കി …. ഒരു ബൈക്കിന്റെ ആക്സിലേറ്റർ ഇരപ്പിക്കുന്ന ശബ്ദമായിരുന്നു അത് . ഉടനെ ആ ശബ്ദം കേട്ട ഭാഗത്ത് നിന്ന് ആ ബൈക്കിന്റെ ഹൈ ബീം ലൈറ്റ് തെളിഞ്ഞു …. ആ ലൈറ്റ് വന്ന് കണ്ണിലടിച്ചതും കണ്ണ് മങ്ങി അവർ രണ്ട് പേരും പെട്ടെന്ന് കൈകൾ കൊണ്ട് ആ വെട്ടം മുഖത്തടിക്കുന്നത് തടഞ്ഞ ശേഷം പതിയെ കണ്ണ് തുറന്ന് മുന്നോട്ട് നോക്കി …..

അപ്പോഴാണ് ആ ബൈക്കിനെയും അതിന് പുറത്ത് കറുത്ത വസ്ത്രം ധരിച്ച ഒരാൾ ഇരിക്കുന്നതും അവർ വ്യക്തമായി കണ്ടത് …… അവർ അയാളെ സൂക്ഷിച്ച് നോക്കി ശരീരം മുഴുവൻ കറുത്ത വസ്ത്രം കൊണ്ട് മറച്ചിരിക്കുന്നു , മുഖത്ത് ഒരു തരം കറുത്ത മാസ്കും കയ്യിൽ കറുത്ത ഗ്ലൗസ് പോലെ എന്തോ ഒന്നും . അയാളുടെ കണ്ണുകൾ മാത്രം പുറത്ത് കാണാം അത് ഒരു വല്ലാത്ത ഭാവത്തോടെ തങ്ങളെത്തന്നെ നോക്കുന്നുമുണ്ട്

ഒരു നിമിഷത്തേയ്ക്ക് എന്ത് ചെയ്യണമെന്നറിയാതെ അവർ മുന്നോട്ട് തന്നെ നോക്കി നിന്നു , അപ്പോഴേക്കും ആ ബൈക്കിലിരുന്നയാൾ ബൈക്ക് സ്റ്റാന്റിൽ വച്ചിട്ട് താഴേയ്ക്ക് ഇറങ്ങി , ശേഷം അയാൾ തലയുയർത്തി മുന്നിൽ നിൽക്കുന്നവരെ ഒന്ന് നോക്കി …..

” ആരാടാ നീ ….. ?
എന്തിനാടാ അള്ള് വെച്ച് വണ്ടി പഞ്ചറാക്കിയത് ഏഹ് …. ? ”

ഉടനെ വിവേക് ശബ്ദമുയർത്തി മുന്നോട്ട് നോക്കി ചോദിച്ചു , പക്ഷെ അയാൾ മറുപടിയൊന്നും പറയാതെ അവരെത്തന്നെ ഉറ്റുനോക്കി .