✮കൽക്കി࿐ (ഭാഗം – 8) വിച്ചു [ ചെകുത്താനെ സ്നേഹിച്ച മാലാഖ ] 997

രണ്ടും തമ്മിൽ സിമിലാരിറ്റി ഉള്ളത് പോലെ . മാത്രമല്ല വലിയ ദൂര വ്യത്യാസവും ഇല്ല . മീഡിയാസ് ഇതിനെ ഉത്സവമാക്കി മാറ്റിയിരിക്കുകയാ , പിന്നെ മുകളിൽ നിന്ന് അത്യവശ്യം പ്രഷറും ഉണ്ട് …. നിങ്ങൾ പറയു , ഇതുവരെയുള്ള അന്വേഷണത്തിൽ നിന്ന് എന്തെങ്കിലും ഐഡന്റിഫൈ ചെയ്യാൻ സാധിച്ചോ ….. യെനി അപ്ഡേറ്റ് , രാജീവ് ….”

തന്റെ ചെയറിലേയ്ക്ക് ചാരിയിരുന്നുകൊണ്ട് SP ചോദിച്ചു .

” സർ , തികച്ചും ദുരൂഹത മാത്രമാണ് ഇപ്പോഴും ബാക്കി നിൽക്കുന്നത് . നാല് ദിവസം മുൻപ് കൊല്ലപ്പെട്ട ആ യുവാവിന്റെ പേര് രാഹുലെന്നാണ് . നാട്ടിലും വീട്ടിലുമൊക്കെ അയാൾ പറഞ്ഞിരുന്നത് ടെക്നോപാർക്കിലെ ഒരു ഐറ്റി കമ്പനിയിൽ നല്ല ശംമ്പളത്തിൽ ജോലി ചെയ്യുന്നു എന്നാണ് . പക്ഷെ അന്വേഷിച്ചപ്പോൾ അയാൾ പറഞ്ഞ പേരിൽ ഒരു കമ്പനിയും ടെക്നോപാർക്കിലില്ല ….

പിന്നെ അയാളുടെ ഫോണും ഇതുവരെ കണ്ടെത്താൻ കഴിഞ്ഞിട്ടില്ല , സൈബർ സെല്ലിന്റെ അന്വേഷണത്തിൽ ആ ഫോണിന്റെ അവസാന സിഗ്നൽ കാണിച്ചത് മർഡർ നടന്ന സ്പോട്ട് തന്നെയാണ് . കോൾ ലിസ്റ്റ് പരിശോധിച്ചപ്പോൾ സംശയം തോന്നുന്ന തരത്തിൽ ഒന്നും തന്നെയില്ല .

പിന്നെ മർഡർ നടന്ന സ്ഥലത്ത് നിന്ന് കൊലയാളിയുടെ അടുത്തേയ്ക്ക് നീങ്ങാൻ ഒരു തെളിവും കിട്ടിയിട്ടില്ല , ഒരു തുമ്പും ബാക്കിവെച്ചിട്ടില്ല എന്ന് പറയുന്നതാകും ശരി .