✮കൽക്കി࿐ (ഭാഗം – 8) വിച്ചു [ ചെകുത്താനെ സ്നേഹിച്ച മാലാഖ ] 997

പിന്നെ നിനക്കായി ഒരു വീഡിയോ ഞാൻ ഒരുക്കി വച്ചിട്ടുണ്ട് വേണേൽ ഒന്ന് എടുത്ത് കണ്ട് നോക്ക് , അപ്പൊ മനസ്സിലാകും വിവേകും ക്രിസ്റ്റോയും എങ്ങനെയാ മരിച്ചതെന്ന് …. അപ്പൊ സീ യു … ബൈ …. ”

ആദി അതും പറഞ്ഞ് കോൾ കട്ട് ചെയ്ത് ഫോൺ പോക്കറ്റിൽ വച്ച ശേഷം മുന്നിലെ പോസ്റ്റിലേയ്ക്ക് നോക്കി അതിൽ ഉറപ്പിച്ച് വച്ചിരിക്കുന്ന ആ സി സി റ്റി വി ക്യാമറയിലേയ്ക്ക് …. അതിലേയ്ക്ക് നോക്കിയ ശേഷം അവൻ തിരിഞ്ഞ് തന്റെ ബൈക്കിനടുത്തേയ്ക്ക് നടന്നു …. പക്ഷെ അവന് തന്റെ ശരീരത്തിലെ ശക്തി ചോർന്ന് പോയത് പോലെയാണ് തോന്നിയത് , തലകറങ്ങുന്ന പോലെ …. ശരീരത്തിൽ നിന്നും പുറത്ത് പോയ രക്തം അവനെ ക്ഷീണിപ്പിച്ച് തുടങ്ങിയിരുന്നു …

അവൻ ബൈക്കിൽ കയറിയ ശേഷം ഫോണെടുത്ത് ആരെയോ വിളിച്ചു ….

” ഹലോ …. റസിയ …. ഹെൽപ്പ് … …. …. ”

” ….. ”

” ഓക്കെ … ”

അവൻ മറുപടി പറഞ്ഞ് ഫോൺ കോൾ കട്ട് ചെയ്ത ശേഷം വേഗം ബൈക്ക് സ്റ്റാർട്ട് ചെയ്ത് മുന്നോട്ട് നീങ്ങി …. ആ റോഡിലൂടെ കുറച്ച് ദൂരം മുന്നോട്ട് പോയതും രണ്ട് മൂന്ന് ബൈക്കുകളിലായി ചില ചെറുക്കാർ തന്റെ എതിരെ നിന്ന് വന്ന് തന്നെ പാസ് ചെയ്ത് പോകുന്നത് അവൻ കണ്ടു ..

                      ********************

ജെറിയാകട്ടെ ആകെ ഭയത്തിലായിരുന്നു ….. എന്ത് ചെയ്യണമെന്നറിയാൻ കഴിയാത്ത അവസ്ഥ … അവൻ വേഗം തന്നെ അവിനാഷിനെ വിളിച്ച് വിവരം പറഞ്ഞു ……