✮കൽക്കി࿐ (ഭാഗം – 8) വിച്ചു [ ചെകുത്താനെ സ്നേഹിച്ച മാലാഖ ] 995

” ടാ ….. എനിക്ക് എന്തോ പന്തികേട് തോന്നുന്നു . കാറിനുള്ളിലാണെങ്കിൽ പണമുണ്ട് …. ”

ഉടനെ ക്രിസ്റ്റോ പതിയെ വിവേകിന്റെ ചെവിയിൽ പറഞ്ഞു ….

” ടാ …. മര്യാദിക്ക് നീ ആരാന്ന് പറ , എന്തിനാ ഇവിടെ വന്നതെന്ന് പറ ….. ഇല്ലെങ്കിൽ നിന്നെ ഇന്ന് തീർക്കും ….. ”

വിവേക് അതും പറഞ്ഞ് ഉടനെ അരയിലിരുന്ന പിസ്റ്റൽ എടുത്ത് മുന്നോട്ട് ചൂണ്ടി , പക്ഷെ അത് കണ്ടിട്ടും എതിരെ നിൽക്കുന്നയാളിൽ നിന്ന് ഭാവവ്യത്യാസമൊന്നുമുണ്ടായില്ല ….

“നിങ്ങൾ രാഹുലിനെ മിസ്സ് ചെയ്യുന്നുണ്ടോ ? ”

മുന്നിലേക്ക് കൈ കെട്ടി നിന്നുകൊണ്ട് അയാൾ അവരോട് ചോദിച്ചു , ആ ചോദ്യം കേട്ടതും വിവേകും ക്രിസ്റ്റോയും ഒരു നടുക്കത്തോടെ മുഖാമുഖം നോക്കി …..

” ടാ …. ”

പെട്ടെന്ന് വിവേക് മുന്നോട്ട് നീങ്ങി തന്റെ കയ്യിലിരുന്ന തോക്ക് ബൈക്കിൽ എത്തിയ ആ യുവാവിന്റെ നെറ്റിയിലായി മുട്ടിച്ചു , അത് കണ്ടതും ആ യുവാവ് ഇരു കൈകളും മുകളിലേയ്ക്ക് ഉയർത്തി കീഴടങ്ങിയ ഭാവത്തിൽ ഭയത്തോടെ നിന്നു …..

” പറയെടാ …. ആരാ ? ആരാ നീ …. രാഹുലിനെപ്പറ്റി നിനക്കെങ്ങനെ അറിയാം . സത്യം പറ , ഇല്ലെങ്കിൽ ? ”

വിവേക് അതും പറഞ്ഞ് ആ തോക്കിൻ കുഴൽ ഒന്നുകൂടി അയാളുടെ നെറ്റിയിലേയ്ക്ക് അമർത്തിപ്പിടിച്ചു ….