✮കൽക്കി࿐ (ഭാഗം – 8) വിച്ചു [ ചെകുത്താനെ സ്നേഹിച്ച മാലാഖ ] 997

ടെൻഷൻ കൊണ്ട് ജെറി ടേബിളിന് മുന്നിലിരുന്ന മദ്യക്കുപ്പിയെടുത്ത് വായിലേയ്ക്ക് കമഴ്ത്തിയ ശേഷം അങ്ങോട്ടുമിങ്ങോട്ടും നടന്നു …. അപ്പോഴേയ്ക്കും താഴെ ഒരു കാറ് വന്ന് നിൽക്കുന്ന ശബ്ദം കേട്ട് അവൻ വേഗം സ്റ്റെപ്പിറങ്ങി ……

” എന്താടാ …. നീ എന്തൊക്കെയാ ഫോണിലൂടെ വിളിച്ച് പറഞ്ഞത് … സത്യമാണോ അതൊക്കെ …? ”

ടെൻഷനോടെ അവിനാഷ് ചോദിച്ചു …

” അതേടാ …. നിക്ക് …. നിക്ക് ഞാൻ നിനക്ക് കേൾപ്പിച്ച് തരാം … ”

അതും പറഞ്ഞ് ജെറി തന്റെ കോൾ റെക്കോർഡ് എടുത്ത് അവിനാഷിന് കേൾപ്പിച്ച് കൊടുത്തു ….

” അന്നേ ഞാൻ പറഞ്ഞതാ അന്വേഷിച്ച് മടുത്തെന്ന് കരുതി വിട്ട് കളയരുത് അവൻ ചത്തോ അതൊ ജീവനോടെ ഉണ്ടോ എന്ന് ഉറപ്പ് വരുത്തണമെന്ന് … അപ്പൊ നീ അത് കേട്ടില്ല …. ഇപ്പൊ മുറികൂടി വന്നിരിക്കുവല്ലേ പ്രതികാരം വീട്ടാൻ ….. ”

അവിനാഷ് അതും പറഞ്ഞ് ടെൻഷനോടെ ചെയറിൽ ചെന്നിരുന്നു …..

” അവന്മാരെ അവൻ കൊന്നത് മാത്രമല്ല അത്രയും പണം , പിന്നെ ആ ഡീല് . ഇനി പോലീസ് അതിന്റെ വാലിൽ തൂങ്ങി നമ്മുടെ അടുത്ത് എത്തിയാൽ പിന്നെ എല്ലാം ആയി …. ”

അവിനാഷ് അതും പറഞ്ഞ് ഗ്ലാസ്സിൽ ഒഴിച്ചു വച്ചിരുന്ന മദ്യം വായിലേയ്ക്ക് കമഴ്ത്തി …

” ഇതിന്റെ വാല് പിടിച്ച് പോലീസ് എത്തില്ല അത് ഉറപ്പാ കാരണം അവന് നമ്മളെ നേരിട്ട് തീർക്കണം അതാ ലക്ഷ്യം ….. ”