✮കൽക്കി࿐ (ഭാഗം – 8) വിച്ചു [ ചെകുത്താനെ സ്നേഹിച്ച മാലാഖ ] 995

” പേടിക്കണ്ട ജെറി സാറെ …. ഞങ്ങൾ അവനെ പൊക്കി , നമ്മുടെ രാഹുലിനെ കൊന്നവനെ . അന്ന് നമ്മുടെ കയ്യിൽ നിന്ന് രക്ഷപെട്ടവൻ തന്നെയാ ആള് , നമ്മൾ തട്ടിക്കളഞ്ഞ ആ വിശ്വനാഥിന്റെ മകൻ . ഇപ്പൊ പ്രതികാരം ചെയ്യാൻ നടക്കുവാ … ഹ് ….”

ക്രിസ്റ്റോ ഫോണിലൂടെ അത് പറഞ്ഞതും വിവേക് ഒരു ചിരിയോടെ തന്റെ കയ്യിലിരുന്ന തോക്ക് അവരുടെ മുന്നിൽ മുട്ടുകുത്തി നിൽക്കുന്ന ആദിയുടെ തലയിൽ മുട്ടിച്ച് പിടിച്ചു ……

” അവനെ അങ്ങ് തീർത്തുകള വേഗം . ഇനിയും ഒരു അബന്ധം നമുക്ക് പറ്റരുത് …. ”

ഫോണിലൂടെ ജെറി അത് പറഞ്ഞതും ക്രിസ്റ്റോ വിവേകിനെ നോക്കി മുഖം കൊണ്ട് അവനെ തീർത്ത് കള എന്ന മട്ടിൽ ആഗ്യം കാണിച്ചു , അത് കണ്ട വിവേക് കാഞ്ചി വലിക്കാൻ വിരൽ ചലിപ്പിക്കാൻ തുടങ്ങിയ ആ നിമിഷം …..

അവർക്ക് മുന്നിൽ മുട്ടുകുത്തി നിന്ന ആദി വളരെ വേഗത്തിൽ തന്റെ രണ്ട് കൈ കൊണ്ടും മുന്നിൽ നിൽക്കുന്ന വിവേകിന്റെ വയറിലേക്ക് ആഞ്ഞ് തള്ളി , ഒട്ടും പ്രതീക്ഷിക്കാതെയുള്ള ആ തള്ളിൽ വിവേക് ഒന്ന് പുറകോട്ടാഞ്ഞു ഒപ്പം തോക്കിന്റെ കാഞ്ചിയും വലിച്ചു , പക്ഷെ വെടിയുണ്ട ഉന്നം തെറ്റി വേറെ എങ്ങോട്ടോ പോയി ….

പുറകെട്ടാഞ്ഞ വിവേക് നിലത്ത് വീഴാതെ ബാലൻസ് ചെയ്ത് നിന്നതും നിലത്ത് മുട്ടുകുത്തിയിരുന്ന ആദി ചാടിയെണീറ്റ് തന്റെ തോളിലെ ബാഗിലുണ്ടായിരുന്ന കറ്റാന വലിച്ചൂരിയെടുത്ത് മുന്നിലേക്ക് ആഞ്ഞ് വീശി …