✮കൽക്കി࿐ (ഭാഗം – 8) വിച്ചു [ ചെകുത്താനെ സ്നേഹിച്ച മാലാഖ ] 997

” വേണ്ട …. വേണ്ട …. എന്നെ കൊല്ലരുത് ….. പ്ലീസ് … എന്നെ എന്നെ വെറുതെ വിട് … മാപ്പ് , മാപ്പ് എല്ലാത്തിനും മാപ്പ് …. പ്ലീസ് എന്നെ എന്നെ ഒന്നും ചെയ്യല്ലേ …. ”

ക്രിസ്റ്റോ ഭയം കൊണ്ട് പറഞ്ഞ് പറഞ്ഞ് പിന്നിലേയ്ക്ക് ചുവടുകൾ വച്ചു ….

” വെറുതെ വിടണം അല്ലേ ….. ? ഞാൻ നിനക്ക് മാപ്പ് തരണം അല്ലേ ……? തരാം ….. നിനക്ക് ഞാൻ എന്നന്നേക്കുമായി മോക്ഷം തരാം ഈ നശിച്ച ജന്മത്തിൽ നിന്ന് ….. ”

ആദി അത്രയും പറഞ്ഞ് തന്റെ കൈ ഉയർത്താൻ ശ്രമിച്ചതും ക്രിസ്റ്റോ വേഗത്തിൽ ആദിയുടെ നെഞ്ചിലേയ്ക്ക് ഒന്ന് തള്ളിയ ശേഷം പുറകിലേയ്ക്ക് തിരിഞ്ഞ് ഓടി …. അവൻ തള്ളിയപ്പോൾ ഒന്ന് പുറകോട്ടാഞ്ഞ ആദി വേഗത്തിൽ തന്റെ അരയിൽ കരുതിയിരുന്ന ബ്ലഡ് റീപ്പർ കയ്യിലെടുത്ത് ചുഴറ്റി വീശി മുന്നിലേക്ക് എറിഞ്ഞു ….

വായുവിലൂടെ കുതിച്ച് പാഞ്ഞ അതിന്റെ മൂർച്ച ഏറിയ ഭാഗവും ചെയിനും ക്രസ്റ്റോയുടെ കഴുത്തിൽ ചുറ്റി ഒപ്പം മറുവശത്തെ ചെയിനും അതിന്റെ ഹാന്റിൽ പോലുള്ള ഭാഗം ആദിയുടെ കയ്യിലും …. മുന്നിലേക്ക് ചുഴറ്റി എറിഞ്ഞ അതേ വേഗത്തിൽ തന്നെ ആദി ആ ചരടിൽ ശക്തിയായി പിടിച്ച് പുറകിലേയ്ക്ക് തിരിച്ച് വലിച്ചു ഉടനെ ക്രിസ്റ്റോയുടെ കഴുത്തിൽ ചുറ്റിയ ചെയിൻ ഓരോന്നോരോന്നായി അഴിഞ്ഞ് മാറി ഒപ്പം അവസാനം വളഞ്ഞ കത്തി പോലെ ബ്ലൈഡ് കനത്തിലുള്ള ആ റീപ്പർ ഭാഗം അവന്റെ കഴുത്തിൽ ആഴത്തിൽ മുറിവുണ്ടാക്കിക്കൊണ്ട് തിരികെ ആദിയുടെ കയ്യിൽ തന്നെ എത്തി ….