✮കൽക്കി࿐ (ഭാഗം – 8) വിച്ചു [ ചെകുത്താനെ സ്നേഹിച്ച മാലാഖ ] 995

ഒരു വലിയ ശബ്ദത്തോടെ ബുള്ളറ്റ് ആദിക്ക് നേരെ പാഞ്ഞു …. ആദിയുടെ ഇടത് നെഞ്ചിന് മുകളിലായി തോളിൽ ആ ബുള്ളറ്റ് തറച്ച് കയറി , അവനൊന്ന് പിന്നോട്ടാഞ്ഞ് നിലത്തേയ്ക്ക് മറിഞ്ഞ് വീണു . അത് കണ്ടതും വിവേകിന്റെയും ക്രിസ്റ്റോയുടെയും മുഖത്ത് ചെറിയ സന്തോഷം നിറഞ്ഞു ……

” എടാ അവനെ തീർക്ക് …. ബാക്കി വയ്ക്കാതെ വേഗം തീർത്ത് കള … ”

വേദന കൊണ്ടുള്ള ദേഷ്യത്തോടെ ക്രിസ്റ്റോ വിളിച്ചു പറഞ്ഞു , അത് കേട്ട് വിവേക് പതിയെ മുന്നോട്ട് നടന്നു ….

ആദിയുടെ തോളിൽ ബുള്ളറ്റ് പതിച്ച സ്ഥലത്ത് ജാക്കറ്റിനുള്ളിലൂടെ രക്തം വല്ലാതെ വാർന്നൊഴുക്കുന്നുണ്ടായിരുന്നു , അവൻ പതിയെ നിലത്ത് നിന്ന് എണീക്കാൻ ശ്രമിച്ചതും അവന്റെ പുറകിലൂടെ വന്ന ക്രിസ്റ്റോ അവന്റെ മുതുകിലേയ്ക്ക് ആഞ്ഞ് ചവിട്ടി , ചവിട്ടു കൊണ്ട ആദി വീണ്ടും നെഞ്ചിടിച്ച് നിലത്തേയ്ക്ക് മറിഞ്ഞ് വീണു ….

വിവേക് വേഗം നിലത്ത് കിടക്കുന്ന ആദിയുടെ മുടിയിൽ കയറി പിടിച്ച് അവനെ വലിച്ചെഴുന്നേൽപ്പിച്ച് മുട്ടിൻമേൽ നിർത്തി , അപ്പോഴേയ്ക്കും ക്രിസ്റ്റോ നിലത്ത് കിടന്ന ഫോൺ കയ്യിലെടുത്തിരുന്നു ….

” ഹലോ …. ക്രിസ്റ്റോ എന്താ ….? എന്താ വെടിയൊച്ചയൊക്കെ കേട്ടത് …. നിങ്ങൾക്ക് എന്താ പറ്റിയത് ….? ”

ഫോണിന്റെ മറുവശത്ത് നിന്ന് ജെറി
ടെൻഷനോടെ ചോദിച്ചു കൊണ്ടിരുന്നു ….