✮കൽക്കി࿐ (ഭാഗം – 8) വിച്ചു [ ചെകുത്താനെ സ്നേഹിച്ച മാലാഖ ] 997

” അപ്പൊ നിങ്ങൾ രണ്ട് പേരും പറഞ്ഞ് വരുന്നത് കില്ലറിലേക്ക് എത്താൻ നിലവിൽ തെളിവുകളൊന്നും ലഭിച്ചിട്ടില്ല എന്നാണ് ….. എന്തായാലും പത്ത് ദിവസം , അതാണ് നിങ്ങൾക്ക് ഞാൻ തരുന്ന ടൈം …. നിങ്ങൾ രണ്ട് പേരും ഒരുമിച്ച് അന്വേഷണത്തിന് നേതൃത്വം കൊടുത്താൽ മതി , ഇതൊരു സീരിയൽ കൊലപാതകം പോലെ തുടർന്നാൽ ചിലപ്പോൾ ഒന്നും നമ്മുടെ കയ്യിൽ നിൽക്കില്ല . അതുകൊണ്ട് എന്ത് റിസ്ക് എടുത്തും എത്രയും വേഗം അയാളാരെന്ന് കണ്ട് പിടിക്കണം . ഇറ്റ്സ് മൈ ഓഡർ ….. ”

SP ശാസനാ സ്വരത്തോടെ പറഞ്ഞു ….

                      ********************

രണ്ട് മൂന്ന് ദിവങ്ങൾക്ക് ശേഷം …..

” ടാ ….. എന്താടാ ഏത് നേരവും ഇത് തന്നെ , കുടിച്ച് ബോധമില്ലാതെ കിടന്നാൽ നിന്റെ എല്ലാ പ്രശ്നവും തീരോ …… ? ”

പുറത്ത് നിന്ന് കയറി വന്ന അവിനാഷ് അതും ചോദിച്ചുകൊണ്ട് മുന്നിലെ ചെയറിലേക്കിരുന്നു , മറുപടിയായി ജെറി അവനെ ഒന്ന് നോക്കുക മാത്രം ചെയ്തു ….

” ടാ താഴെ ആരെയും കണ്ടില്ല , ഇവിടെയും ഇപ്പൊ ആരുമില്ല …. എന്താടാ എന്താ ? ”

അവിനാഷ് വീണ്ടും ചോദിച്ചു .

” തൽക്കാലത്തേക്ക് ഞാനെല്ലാവരെയും പറഞ്ഞ് വിട്ടു …. കുറച്ച് ദിവസത്തേക്ക് ഒന്നും വേണ്ട …. ”

ജെറി അതും പറഞ്ഞ് കുപ്പിയെടുത്ത് വായിലേക്ക് കമഴ്ത്തി …..

” എടാ …. നീ ഇത് എന്താ പറയുന്നേ ….. എത്ര രൂപയുടെ നഷ്ടമാ ഉണ്ടാകുന്നേ എന്ന് നീ ചിന്തിച്ചോ ….. ? ”

അവനാഷ് ടെൻഷനോടെ ചോദിച്ചു ….